web counter
LEXO PA REKLAMA!

SHKARKO APP

App Store
Google Play

Një jetë në teatër e kinema/ Jeta dhe rolet e shumta të aktorit Birçe Hasko

23 Maj 2026, 11:09, Kulturë CNA

Një jetë në teatër e kinema/ Jeta dhe rolet e shumta të

Këtë të shtunë të 23 majit u nda nga jeta aktori i mirënjohur Birçe Hasko.

Hasko u lind në Dukat të Vlorës më 15 mars 1942. Mbas mbarimit të shkollës së mesme punoi si mësues në Memaliaj, ku dhe u angazhua me trupën e Estradës amatore të qytetit. Në vitin 1965 filloi studimet në degën e aktrimit në Institutin e Lartë të Arteve.

Një jetë në teatër e kinema/ Jeta dhe rolet e shumta të

Pas diplomimit u mbajt si pedagog pranë këtij instituti, ku dha për disa dekada lëndën e ‘Mjeshtërisë së Aktorit’.  Për punën e tij akademike i është dhënë titulli “Profesor”.

Në teatër ka interpretuar mbi 12 role. Roli i tij më i realizuar është ai i Milos në komedinë “Shi në plazh” shkruar nga Teodor Laço.

Një jetë në teatër e kinema/ Jeta dhe rolet e shumta të

Po ashtu, Hasko la gjurmë edhe në kinematografinë shqiptare, me interpretimin e dhjetëra roleve. Roli i tij i parë në kinematografi është në vitin 1971 në rolin e ballistit në filmin “Kur zbardhi një ditë”.

Një jetë në teatër e kinema/ Jeta dhe rolet e shumta të

Më tej do të vazhdonin rolet e tij në shumë filma si ai i Mete Jahos tek filmi “Radiostacioni” në vitin 1979, roli i Syrjait në filmin “Skëterrë 43” në vitin 1980, roli i mesuesit në filmin “Gurët e shtëpisë sime” në vitin 1985 si dhe shumë role në filma të tjerë për të mbërritur në rolin e tij të fundit në filmin "Kronikë Provinciale" në vitin 2009.

Një jetë në teatër e kinema/ Jeta dhe rolet e shumta të

Në vitin 1976 iu dha urdhri “Naim Frashëri”, klasi i dytë , në vitin 1988 “Artist i Merituar” dhe në vitin 2002 mori titullin “Mjeshtër i Madh”./CNA





Lajmet e fundit nga