web counter
LEXO PA REKLAMA!

SHKARKO APP

App Store
Google Play

Korça bëhet gati për sezonin veror/ Nis këtë javë edicioni i 19-të i Festivalit Ndërkombëtar të Karnavaleve

3 Qershor 2026, 14:26, Kulturë CNA

Korça bëhet gati për sezonin veror/ Nis këtë

Korça është gati të çelë sezonin veror me një nga ngjarjet më të dashura të qytetit dhe jo vetëm, Festivalin Ndërkombëtar të Karnavaleve.

Edicioni i 19-të i eventit madhështor rikthen ngjyrat, personazhet dhe atmosferën e rrallë të përvitshme më datë 6 qershor.

Korça bëhet gati për sezonin veror/ Nis këtë

Drejtorja e Marrëdhënieve me Publikun dhe Publikimeve në Bashkinë Korçë, Lorena Saro, ndau detaje nga programi, që duket se do të jetë i shumëllojshëm dhe ka shumë për t’i ofruar publikut.

“Karnavalet do të ndihen në çdo cep të Korçës. Janë mbi 25 grupe nga qyteti që do të sjellin energjinë dhe kreativitetin e tyre, ndërsa Qendra Rinore do të hapë dyert për fëmijët të cilët do të kenë hapësirën e tyre festive, me aktivitete argëtuese, face painting dhe plot surpriza”,-tha Saro.

Kulmi i festës do të jetë parada madhështore e orës 19:00, që do të nisë nga ‘Lëndina e Lotëve’ dhe do të përshkojë rrugët kryesore të qytetit. Festa do të vazhdojë më tej në Pazarin e Vjetër me ‘Carnival Party’, muzikë live, DJ dhe një atmosferë që do të zgjasë deri në orët e vona.

Në këtë edicion të 19-të, festës i bashkohen edhe plot miq nga Greqia, Rumania, Serbia, Polonia, por edhe shumë arbëreshë.

Karnavalet janë vetëm fillimi i një vere të jashtëzakonshme në Korçë. Një verë plot ngjarje, emocione dhe net që mbahen mend, me ‘Korça Moto & Rock Festival’, ‘Lumina Electronic Festival’, ‘Korça Beer Fest’, ‘Korça Serenights’ dhe shumë evente të tjera që tërheqin mijëra vizitorë e turistë nga Shqipëria dhe më gjerë, duke e kthyer padyshim edhe këtë vit Korçën në një nga destinacionet më tërheqëse të sezonit veror./CNA





Lajmet e fundit nga