E fundit!

22:07 Kronika

Detaje nga të shtënat me armë në Sarandë/ Dyshohet për atentat

Një ngjarje e rëndë ka ndodhur në Sarandë mbrëmjen e kësaj...

Sokol Sadushi, si agjenci imobiliare

27 Qershor 2026, 13:46, Denoncim CNA

Sokol Sadushi, kryetari i Gjykatës së Lartë, është njeriu që nuk duhet të ishte pjesë e sistemit të drejtësisë, për arsyen e thjeshtë se kolegët e tij kanë kaluar vetingun, ndërsa ai ka “dalë nga dritarja dhe ka hyrë nga dera” pa kaluar në procesin filtrues.

Një dhuratë nga rilindja për Sadushin, mikun e gazetarit të familjes Veliaj, Mero Baze, i cili është bërë një miliarder me vila e hotele.

Partizan Sadushi “merr pushkën” dhe del në çetë
19 Mars, 13:21

CNA sot do të sjellë pasurinë e kryetarit të Gjykatës së Lartë, Sokol Sadushit, të portofolit të pronave nga Tirana në Vlorë.

Sipas të dhënave nga ILDKPI, deklarimet pasurore të Sokol Sadushit tregojnë një zgjerim të portofolit të pasurive të paluajtshme përgjatë viteve, duke nisur me një apartament në Tiranë dhe duke vijuar me investime e përfitime nga kontrata sipërmarrjeje.

Prona e parë e deklaruar është një apartament me sipërfaqe 186 m² në Tiranë, i blerë në vitin 1998, ku Sadushi zotëron 66% të pronësisë.

Në vitin 2003, ai deklaron blerjen e një apartamenti në Kavajë, financuar përmes një kredie prej 20 mijë dollarësh. Kjo pronë u shit në vitin 2006 për 55 mijë euro.

Në vitin 2003 deklaron edhe një shtëpi në Vlorë, të cilën e zotëron 33%, pronë e përfituar nga trashëgimia, nga e cila përfitonte edhe të ardhura nga qiraja 2400 euro.

Në vitin 2006, Sadushi lidh një kontratë sipërmarrjeje për një apartament me sipërfaqe 99.5 m² në Golem, i cili regjistrohet në pronësi në vitin 2012.

Ndërkohë, në periudhën 2010–2011, legalizohet edhe një apartament me sipërfaqe 81.69 m² në Tiranë, i ndërtuar si shtesë mbi banesën ekzistuese, në deklaratën e vitit 2011 është reflektuar si pagesë e kryer për ndërtim dhe mobilim shuma 2.000.000 lekë.

Një nga zhvillimet më të rëndësishme pasurore shfaqet në vitin 2017, kur nga kontrata e sipërmarrjes mbi një pronë në Vlorë regjistrohen në emër të Sokol Sadushit dhe bashkëpronarëve disa pasuri të reja.

Pjesa takuese e Sadushit është 33.3% në një garazh 39 m², një njësi shërbimi 86.5 m² dhe pesë apartamente me sipërfaqe 111 m², 90 m², 89 m², 63 m² dhe 62 m².

Po gjatë vitit 2017, apartamenti 89 m² në Vlorë, i përfituar nga kjo kontratë sipërmarrjeje, u shit për 45 mijë euro, ku Sadushi deklaron pjesën e tij takuese prej një të tretës së pronës.

Sipas të dhënave që ai vetë ka deklaruar, kryetari i Gjykatës së Lartë duket si një biznesmen që posedon agjenci imobiliare se sa njeri i drejtësisë. Patundshmëria që ai ka e nxjerr zbuluar përballë drejtësisë që ai trumbeton.

CNA do të vazhdojë të zbardhë pasuritë e Sadushit, i cili prej 10 vitesh është njeriu që drejtoi reformën në drejtësi dhe mori prej saj shpërblimet duke shkuar deri në postin e kryetarit të Gjykatës së Lartë sipas formulave dhe akteve ligjore të bëra nga vetë ai./ CNA