E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

"Duhet të thosha deportim, jo spastrim etnik"/ Ministrja serbe nuk tërhiqet nga deklaratat mbi Kosovën

17 Korrik 2026, 14:13, Kosova & Bota CNA

"Duhet të thosha deportim, jo spastrim etnik"/ Ministrja serbe

Ministrja e Administratës Shtetërore dhe Vetëqeverisjes Lokale në Serbi, Snezhana Paunoviç, ka folur në një intervistë lidhur me deklaratën e bërë pak ditë më parë për “spastrimin etnik në Kosovë”.

Paunoviç tha se shtatë sekonda të intervistës së saj me median serbe “Kurir" ishin nxjerë nga konteksti me qëllim që ta akuzonin për spastrim etnik.

Por megjithatë ajo nuk u tërhoq nga qëndrimi i saj, duke thënë se do të ishte më mirë të ishte përdorur termi “deportim”, jo “spastrim etnik”, për të shmangur reagimet.

“Ndoshta duhej të thoja deportim, thjesht që të shmangia kaq shumë kritika nga të gjitha anët. Por, kushdo që është i arsyeshëm e kupton për çfarë kam folur, edhe pse fatkeqësisht më rrëshqiti ai term. Në fund të ditës, kur vetë ke qenë subjekt i spastrimit etnik, ose për pak sa nuk ndodhi, sepse ende përpiqen ta bëjnë, është e natyrshme që shprehja ‘spastrim etnik’ të mbetet në mendjen tënde për shkak të asaj që ke përjetuar”, ka thënë ajo në "TV Prva".

Ndër të tjera ministrja kritikoi iniciativën e 53 deputetëve të opozitës në Parlamentin serb, të cilët kërkuan që ajo të shkarkohej nga posti i saj. Ndërkohë lidhur me shpalljen “non grata” nga Kosova, ajo e cilësoi ministrin e Brendshëm, Xhelal Sveçla, si “terrorist”.

Kujtojmë se ministrja Paunoviç, deklaroi në një intervistë të transmetuar në "TV Kurir", më 11 korrik, se në vitin 1998, nëse do të kishte qenë në pozicionin e presidentit të atëhershëm të Republikës Federale të Jugosllavisë, Slobodan Millosheviç, do ta kishte pastruar etnikisht Kosovën.

"Nëse do të isha Slobodan Millosheviç, do ta kisha pastruar etnikisht Kosovën në vitin '98. Dhe ky është mendimi më i ashpër që kam thënë ndonjëherë në jetën time", tha Paunoviç.

Lidhur me deklarata e saj ka reaguar edhe Bashkimi Europian. Komisionerja e Zgjerimit Marta Kos, e cilësoi deklaratën dhe vazhdimin e Paunoviç në detyrë si “të papranueshëm”. /CNA