web counter
LEXO PA REKLAMA!

SHKARKO APP

App Store
Google Play

Në rast se Ols Dado ka kërkuar shtesë mbi lejen, të nxjerrin dokumentet!

18 Gusht 2025, 18:15, Aktualitet REDAKSIONALE

Në rast se Ols Dado ka kërkuar shtesë mbi lejen, të nxjerrin

Kryebashkiaku i Tiranës, Erion Veliaj, ka bërë një kërkesë në Gjykatën e Posaçme. Një kërkesë që nuk dihet se kush e ka firmosur, pasi në mediet e Veliajt është publikuar një dokument prej 77 faqesh me 175 pika dhe nuk ka asnjë firmë. Të paktën avokatët e tij nuk duket ta kenë firmosur, megjithëse ata mund ta kenë përgatitur dhe shpërndarë ne medie, por dokumenti nuk ka as firmën e Erionit.

Gjithsesi përtej gjithçkaje, bie në sy jo vetëm fakti i mungesës së firmave, por edhe disa pika, që shumica duken si broçkulla e lajthitje, por edhe shumë manipulative. Ndoshta ky është edhe fakti që dokumentet nuk kanë firmë. Halli i vërtetë në fakt është fraksioni i dosjes por kjo i përket një tjetër shkrimi.

Por, le t’i marrim një e nga një.

Në një nga pikat, që është si një lëvizje shah-mat, pika 135, thuhet se prokurori Ols Dado paska marrë një leje ndërtimi për Bashkinë e Tiranës dhe pastaj ka kërkuar një shtesë mbi lejen dhe kjo i është refuzuar. Në fakt, çështja e  lejes është pranuar sepse është kërkuar nga një ndërtues dhe është dhënë, e për më tepër, Erion Veliaj ka pretenduar se ka marrë edhe mesazhe falenderuese nga prokurori dhe deri këtu është gjithçka normale. Por dhe këto nuk i ka nxjerë.

Në rast se Ols Dado ka kërkuar shtesë mbi lejen, të nxjerrin
Pika 135 nga dokumenti i Veliajt

Pra, nuk kemi të bëjmë me mënyrën sesi e trajton Erion Veliaj në pikën 136, duke thënë këtë tekst, pra duke ngritur dyshime për një “hakmarrje” të prokurorit Ols Dado sepse atij nuk i është dhënë shtesa mbi lejen e ndërtimit pasi ka bërë një kërkesë.

Në rast se Ols Dado ka kërkuar shtesë mbi lejen, të nxjerrin
Pika 136 nga dokumenti i Veliajt

Erion Veliaj është kryetar bashkie në detyrë. Bashkia e Tiranës i ka atje dokumentet. Avokatët kanë pasur informacione pafund. Mediet e paguara nga paratë e vëllait të Erion Veliajt dhe kompanitë e grupit të strukturuar kriminal të inceneratorit joekzistent të Tiranës, për më shumë se një vit, kanë pasur gjithë kohën të publikonin këtë dokument.

Thjesht të publikojnë kërkesën që prokurori Ols Dado ka bërë si shtesë mbi lejen e tij të ndërtimit të marrë më parë, si dhe dokumentin që tregon refuzimin nga kryebashkiaku, sipas asaj që Veliaj rendit në pikën 135, në kërkesën që ka depozituar në GJKKO.

Ne, si media që mbështesim SPAK-un si institucion, dhe shumicën e prokurorëve, që po luftojnë krimin dhe korrupsionin në këtë institucion, po e deklarojmë publikisht:

Në rast se del kjo kërkesë zyrtare e bërë nga prokurori Ols Dado, me firmë e me vulë, e protokolluar në Bashkinë e Tiranës, dhe refuzimi i instituciomit, ky i fundit duhet të dorëhiqet nga çështja.

Pa asnjë diskutim, Ols Dado duhet të largohet nga hetimet dhe Erion Veliaj ka të drejtë në atë pikë që rendit, se për 13 akuzat e tjera, shpërdorimin e detyrës, korrupsionin, pastrimin e produkteve të veprës penale dhe futjen e sendeve të ndaluara në burg, nuk e shpëton dot as Ols Dado, as Altin Dumani. Për më tepër të shohim çdo nxjerë fraksioni i dosjes.

Vetëm gjykata është ajo që jep vendimin, por këtu jemi te propaganda sepse në si media kemi gjithë të drejtën të dyshojmë se Erion Veliaj po mashtron publikisht, po manipulon opinionin publik, vetë apo në bashkëpunim me avokatët e tij.

Kjo për shkak se ne kemi publikuar përgjimet dhe Veliaj fliste për njerëz që i janë ofruar të paguajnë 2 mijë euro për të shpëtuar nga akuzat, mashtrime, manipulime, shpifje, të cilat u vërtetuan dhe u provuan se ishin të tilla.

Tani janë po të njëjtat media që u përdorën, fshinë lajmet apo riprodhuan lajmet, që publikojnë këtë dokument të Veliajt, që ngjan pak a shumë me përgjimet e muajit mars dhe tani duhet të përballet deklarimi me të vërtetën.

Veliaj pretendon se ka një kërkesë për shtesë në lejen e refuzuar për prokurorin Ols Dado.

Pyetja është e thjeshtë: Prej më shumë se një viti, pse nuk e nxjerrin këtë dokument?


Tregoni kërkesën që ka bërë Ols Dado apo Altin Dumani, apo çdo prokuror tjetër, i cili po heton një zyrtar dhe është në konflikt interesi me të.

Sepse fjalët i merr era. Dokumentet janë atje, faktet janë atje dhe në rast se Ols Dado ka bërë një kërkesë dhe i është refuzuar, të na e nxjerrë publikisht dhe ai duhet të largohet me vrap në rast se nuk ka një kërkesë të tillë.

Si gjithmonë vazhdojmë të lexojmë ‘pështymat’ që hedh Erion Veliaj nga Burgu i Durrësit, ndoshta pas gotave të rakisë, apo shisheve të Whiskey-t Royal Salute 25, siç i kërkon vazhdimisht.

E vërteta është një, nuk mund të jenë dy!

Ose Ols Dado ka bërë kërkesë, ose Ols Dado nuk ka bërë kërkesë. Ose i është refuzuar, ose ska pasur hiç refuzim.

Në rast se ka bërë kërkesë, Ols Dado duhet të largohet dhe në rast se nuk ka bërë kërkesë, Erion Veliaj është sërish një mashtrues publik, bashkë me avokatët e tij dhe këdo që ka përgatitur në atë dokument pikën 135 apo 136./CNA





Lajmet e fundit nga