web counter
LEXO PA REKLAMA!

SHKARKO APP

App Store
Google Play

E fundit!

x

“Veliaj nga fyerjet, te kanosja për Dadon dhe Banin”/ Apeli i GJKKO-së zbardh shkrimet e CNA-së

9 Prill 2025, 11:15, Aktualitet CNA



CNA ka siguruar vendimin e zbardhur të gjyqtarit të Apelit të GJKKO-së, Engert Pëllumbi për kryebashkiakun Erion Veliaj.

Shkalla e Dytë e Gjykatës së Posaçme ndër të tjera ka evidentuar edhe sjelljen e kryebashkiakut Veliaj, ku nga paraburgimi i Durrësit nëpërmjet rrjeteve sociale fyente dhe kanoste prokurorin e çështjes Ols Dado, si dhe gjyqtarin e çështjes në Shkallën e Parë, Erjon Banin. Në vendim theksohet se në disa postime të Erion Veliajt ka pasur statuse me përmbajtje kërcënuese ndaj këtyre zyrtarëve.

Në faqen 104 të dosjes, gjyqtari Pëllumbi i refereohet edhe një shkrimi të CNA-së, ku evidentohej gjuha linçuese e përdorur nga kryebashkiaku Veliaj ndaj prokurorit Dado dhe gjyqtarit Bani.

“Nga procesverbali për këqyrjen dhe marrjen e të dhënave nga burimet e hapura (interneti), i datës 01.03.2023, e mbajtur nga hetuesi i Byrosë Kombëtare të Hetimit, fillimisht pasqyrohet një postim në faqen Facebook të personit nën hetim Erion Veliaj, i të njëjtës datë, ku ai hedh akuza rreth procesit të filluar kundër tij. Më tej vijon me një postim ku ky person nën hetim përdor shprehje ironike ndaj prokurorit Ols Dado. Vijon me postimin e datës 28.02.2025, në të cilin presoni nën hetim Erion Veliaj përdor shprehje fyese ndaj prokurorit Ols Dado dhe gjyqtarit Erjon Bani.

Më tej vijon një artikull i botuar në median online CNA, me titull "Nga fyerja te kanosja për Dadon dhe Banin", ku personi nën hetim Erion Veliaj, në një postim të datës 10.02.2025, përdor shprehje fyese ndaj prokurorit Ols Dado. Më tej vijon një postim i datës 11.02.2025, ku personi nën hetim Erion Veliaj përdor shprehje fyese ndaj prokurorit Ols Dado. Më pas postimet vijojnë në datat 19, 21, 22 dhe 23 Shkurt 2025, ku personi nën hetim Erion Veliaj vijon fyerjen por në një rast edhe kërcënim ndaj prokurorit Ols Dado", thuhet ndër të tjera në dosjen e zbardhur, ku gjyqtari i referohet CNA-së.

“Veliaj nga fyerjet, te kanosja për Dadon dhe Banin”/ Apeli i

Lajmi për të cilën bëhet fjalë mban datën 23 Shkurt 2025: “Nga fyerjet, te kanosja për Dadon dhe Banin/ Veliaj rëndon situatën e tij penale”. Ky lajm është publikuar në faqen e cna.al si dhe në CNA TV. Në këtë material gazetarët e CNA-së kanë monitoruar të gjitha statuset e publikuara asokohe nga Veliaj, i cili ditë pas dite fyente dhe kërcënonte prokurorin Dado dhe gjyqtarin Bani.

Në materialin e CNA-së evidentohej se Erion Veliaj kishte bërë dhjetëra postime, sulme të hapura ndaj prokurorëve dhe gjyqtarëve. Theksohej në shkrim se këto kërcënime po i bënte nga burgu për persona të drejtësisë, teksa në këtë formë po tentonte të prishte provat dhe të intimidonte dëshmitarët.

Në këtë përfundim duket se ka dalë edhe gjyqtari i Apelit, Engert Pëllumbi, i cili vendosi të lërë në arrest me burg Veliajn, duke argumentuar ndër të tjera se kryebashkiaku për shkak të pushtetit që ka mund të intimidojë dëshmitarë dhe të prishë prova duke rrezikuar hetimin./ CNA

 





Lajmet e fundit nga