web counter
LEXO PA REKLAMA!

SHKARKO APP

App Store
Google Play

Pajisja me kartë identiteti më e shpejtë/ Risi për shërbimet biometrike

8 Prill 2025, 15:50, Aktualitet CNA

Pajisja me kartë identiteti më e shpejtë/ Risi për

Ministri i Brendshëm Ervin Hoxha ka prezantuar disa risi në lidhje me shërbimet biometrike.

Hoxha ka bërë me dije se qytetarët nuk do të kenë nevojë të harxhojnë kohë për të blerë kuponë në Postë për pasaportë, apo letërnjoftime elektronike. Të gjitha pagesat mund të kryhen online, duke e bërë procesin më të shpejtë e më të lehtë.

“Ministria e Brendshme dhe Kompania IdentiTek SHA e prodhimit të dokumenteve biometrike njoftojnë disa risi të rëndësishme, që sjellin përfitime për qytetarët, duke synuar modernizimin dhe përmirësimin e shërbimeve.

Kështu, qytetarët nuk do të kenë nevojë të harxhojnë kohë për të blerë kuponë në Postë për pasaportë, apo letërnjoftime elektronike. Të gjitha pagesat mund të kryhen online, duke e bërë procesin më të shpejtë e më të lehtë.

Ky është një hap i rëndësishëm drejt ofrimit të shërbimeve më të avancuara dhe efikase për qytetarët, duke kursyer kohë e mund.

Një tjetër risi, është se IdentiTek ofron mundësinë e prodhimit të ID kartave apo Letërnjoftimeve Elektronike në një kohë shumë më të shpejtë.

Së bashku me Administratoren e IdentiTek ShA, Freskida Halilaj pamë nga afër procesin në një zyrë aplikimi”, thuhet në njoftim./ CNA





Lajmet e fundit nga