web counter
LEXO PA REKLAMA!

SHKARKO APP

App Store
Google Play

“Veliaj, Xoxa, Abule si grup i strukturuar kriminal”/ Apeli i Posaçëm i kalon "topin" prokurorëve

8 Prill 2025, 22:46, Aktualitet CNA

“Veliaj, Xoxa, Abule si grup i strukturuar kriminal”/ Apeli i

Në vendimin 114 faqesh të Apelit të GJKKO-së dhe gjyqtarit Engert Pëllumbi të datës 13 Mars, nënvizohet se, bashkëpunimi i personave nën hetim Erion Veliaj, Ajola Xoxa dhe Elman Abule ka tiparet e një bashkëpunimi të posaçëm, atij të grupit të strukturuar kriminal, i normuar nga neni 2874 i Kodit Penal.

Sipas Apelit të GJKKO-së përmbushen kriteret e pluralitetit të personave, kryerjes së veprimtarisë kriminale për qëllime përfitimi material si dhe moskrijimit të grupit rastësisht (kryerja e veprimtarisë kriminale në mënyrë të përsëritur e për një kohë të gjatë).

Në vendimin e Apelit të GJKKO-së theksohet se “pavarësisht se një formë e tillë bashkëpunimi nuk i është atribuuar ende këtyre personave në hetim dhe, për rrjedhojë, nuk do të merret në konsideratë në këtë moment nga gjykata në caktimin e llojit të masës së sigurimit pasi në të kundërt do të cenohej parimi i mosrëndimit të pozitës së të pandehurit non reformatio in peius”.

Kështu Gjykata i kalon "topin" prokurorëve të SPAK-ut, të cilët kanë kërkuar vetëm përgjimet.

Gjyqtari Engert Pëllumbi ka shkuar tej SPAK-ut, duke nënvizuar se shtetasit Erion Veliaj, Ajola Xoxa dhe Elman Abule kanë tipare të një grupi të strukturuar kriminal në bazë të të gjitha provave të grumbulluara.

Gjykata me vendimin e saj përtej interpretimeve të mercenarëve të Erion Veliajt thotë një gjë shumë të qartë që topi është në duart e prokurorëve. I kërkon që kjo çështje të trajtohet si çështje e një grupi të strukturuar kriminal. Kjo është përtej përgjimeve dhe shkrimeve të bëra nga ushtarët e Veliajt.

Pra, kërkon që treshja Veliaj-Xoxa-Abule, të trajtohen si një grup i strukturuar kriminal./ CNA





Lajmet e fundit nga