web counter
LEXO PA REKLAMA!

SHKARKO APP

App Store
Google Play

Vrasja e 14-vjeçarit në Maliq/ Gjykata e Korçës lë në burg autorin, masa sigurie edhe për 6 të tjerë

17 Gusht 2025, 17:45, Aktualitet CNA

Vrasja e 14-vjeçarit në Maliq/ Gjykata e Korçës lë

Sot në Gjykatën e Korçës u zhvillua seanca për caktimin e masës së sigurisë për të arrestuarit e vrasjes pak ditë më parë të 14-vjeçarit në Maliq.

Gjykata ka caktuar masën e sigurisë ‘arrest shtëpie’ për mikun e babait të autorit, autori me masën ‘arrest në burg’ bashkë me babain dhe xhaxhain, ndërsa për katër të miturit ‘detyrim paraqitje nën mbikqyrje të prindërve’.

Burime brenda sallës gjyqësore thanë se autori gjatë seancës ka folur mes lotësh duke shprehur shumë pendesë.

"Nuk kam dashur të bëj vrasje. Ishte grindje e çastit. Jam shumë i penduar. Ngushëllime për familjen”,-mësohet të ketë thënë autori.

Avokati i autorit, Ledian Spaho, bëri deklarata për rastin, ku theksoi masat e sigurisë.

“Shpreh ngushëllimet për humbjen e familjarëve. Gjykata vendosi që autori të caktojë masën ‘arrest në burg’. Kjo pasojë e krijuar nga konflikt i çastit, edhe pse fëmijë, gjykata vlerësoi të vlefshëm arrestit, edhe për babain, po ashtu edhe për xhaxhain. Të miturit e tjerë, gjykata vendosi jo të ligjshëm arrestimin, por vendosi mbikqyrjen nga prindërit dhe paraqitjen para gjykatës. Autori shprehu pendesë. Tha nuk doja të kishte këtë pasojë, se dija që veprimet e mia do krijonin këtë pasojë, shpreh ngushëllimet për familjen. Të njëjtën gjë ka deklaruar edhe babai i të miturit duke thënë se na vjen keq për pasojën”,- u shpreh autori./CNA





Lajmet e fundit nga