web counter
LEXO PA REKLAMA!

SHKARKO APP

Kontrolle në tregun e Shkodrës/ AKU dhe Tatimet sekuestrojnë 839 kg produkte pa dokumentacion

15 Gusht 2025, 16:42, Aktualitet CNA

Kontrolle në tregun e Shkodrës/ AKU dhe Tatimet sekuestrojnë 839

Këtë të premte, AKU Shkodër në bashkëpunim me Drejtorinë e Përgjithshme të Tatimeve, zhvilloi kontrolle në tregun agro-ushqimor me shumicë në Shkodër. Në këtë aksion morën pjesë dy ekipe pune, të cilat kryen gjithsej katër verifikime.

Gjatë inspektimeve u zbuluan shkelje të rënda të ligjeve fiskale dhe atyre ushqimore. U vendosën tetë masa administrative, nga të cilat:

-Katër gjoba për tregtim të produkteve pa faturë tatimore;

-Katër gjoba për moslëshim të autofaturës.

Nga kontrolli u sekuestruan 839 kg produkte pa dokumentacion tatimor, të cilat po tregtoheshin në kundërshtim me ligjin.

Drejtoria e Tatimeve ka bërë të ditur se kontrollet në tregjet me shumicë dhe pakicë do të vazhdojnë me intensitet, për të formalizuar aktivitetin ekonomik dhe për të mbrojtur konkurrencën e ndershme./CNA





Lajmet e fundit nga