web counter
LEXO PA REKLAMA!

SHKARKO APP

App Store
Google Play

Dy vite nga shembja e teatrit/ Meta shigjeton Bashën

17 Maj 2022, 07:31, Aktualitet CNA

Presidenti Ilir Meta ka kujtuar sot shembjen e Teatrit Kombëtar, dy vite më parë. Përmes një postimi në rrjetet sociale, Meta e ka quajtur një akt kriminal në mes të errësirës dhe në kulmin e pandemisë.

Ndër të tjera, Meta ka thumbuar Lulzim Bashën, duke shkruar se e tradhtoi këtë kauzë dhe artistët që u shndërruan në simbol të rezistencës ndaj arbitraritetit, korrupsionit dhe dhunës shtetërore.

?Si sot, dy vite më parë, nëpërmjet një akti kriminal në mes të errësirës dhe në kulmin e pandemisë, u shemb barbarisht në zemër të kryeqytetit, godina historike e Teatrit Kombëtar.

Mirënjohje për të gjithë artistët jonkonformistë, gazetarët e pavarur, intelektualët dhe qytetarët e shumtë, të cilët edhe pse të tradhëtuar pabesisht nga lidershipi opozitar, u shndërruan në simbole frymëzuese të rezistencës ndaj arbitraritetit, korrupsionit dhe dhunës shtetërore, duke zgjuar ndërgjegjen shoqërore për rrezikun që kërcënon trashëgiminë kulturore kombëtare.

Akti kriminal që ende sot mbetet pa përgjegjës për shkeljet ligjore dhe kushtetuese, për shkeljen e Konventave Ndërkombëtare ku vendi aderon, si dhe për falsifikimet e zyrtarëve në të gjitha nivelet, tregon se sa e pavarur është drejtësia shqiptare që për dy vite jo vetëm nuk ka shpallur një fajtor, por as ka dhënë një përgjigje mbi arsyet e emergjencës të shembjes barbare të Teatrit Kombëtar?, shkruan Meta./ CNA.al





Lajmet e fundit nga