web counter
LEXO PA REKLAMA!

SHKARKO APP

App Store
Google Play

E fundit!

x

Tallja e Gjiknurit në komisionin për inceneratorët/ Edhe kur rregullon banjon në shtëpi duhen lekë, jo më kontrata të mëdha

22 Shkurt 2022, 18:31, Politikë CNA

Sekretari i përgjithshëm i PS Damian Gjiknuri e ka kthyer në tallje komisionin hetimor për inceneratorët.

Teksa po jep dëshminë e tij, ai ka nisur të justifikojë aferën korruptive, duke thënë se lekë duhet të investosh edhe kur ndërton një banjo në shtëpi dhe jo më kur bëhet fjalë për kontrata të mëdha.

Madje, Gjiknuri nuk shpreh asnjë shqetësin aq për mosekzistencën e inceneratorit të Tiranës, apo vonesën e atij të Fierit, duke i quajtur si një gjë normale dhe e justifikon me pandeminë.

Diskutimet në komision:

Gjiknuri: Nuk di të ketë pasur ndonjë shqetësim deri sa isha unë. Ka pasur pak në kontratën e Fierit, me ca vonesa që lidheshin me protestat e banorëve, edhe në Tiranë vonesa.

Edhe kur rregullon banjon në shpi i duhen para le më kontratat e mëdha.

-Ky komision duhej mblidhej për një gjë të madhe jo se u vonua koha e zbatimit, këto janë veprime administrative.

Bushati: Jam i keq në matematikë por 3 koncensione kanë të njëjtin supervizor, i cili duhet të monitoronte çdo gjë lidhur me kontratën, keni ndonjë koment?

Gjiknuri: S?ka asnjë koment, Ju keni ngritur dyshime që lidhen me korrupsionin dhe ka pasur vonesa në zbatim por asnjë nuk thotë dot gënjyet e nuk bëtë asgjë.

Tirana është në zbatim e sipër dhe brenda afateve.

Nga informacionet e ditëve të fundit, vleresoj që në Tiranë ka pasur vijmësi të punës, kontratat janë në zbatim dhe nuk shoh problem serioz.

Vonesa nuk është aq gjë e madhe, të paktën nuk ka kosto shtesë.

Unë nuk jap dot opinione, janë politike. Nuk shoh probleme serioze në zbatim dhe fakti që mund të jetë i njejti supervizor, nuk e bën njohja apo se është i njëjti në disa subjekte, ai ka detyrë ligjore. Të ketë dhe 10 kontrata, por të bësh shkelje është gjë tjetër se ndryshe do kishte shkuar në burg./E.K-CNA.al





Lajmet e fundit nga