Inceneratorët/ Klodiana Lala “nxjerr nga shinat” Monika Kryemadhin

5 Korrik 2022, 21:43, Politikë CNA

Inceneratorët/ Klodiana Lala “nxjerr nga shinat” Monika

Kryetarja e LSI-së, Monika Kryemadhi dhe gazetarja Klodiana Lala

Gazetarja Klodiana Lala i ka kërkuar llogari kryetares së LSI-së, Monika Kryemadhi, teksa kanë diskutuar për aferën e inceneratorëve.

Lala vuri në dukje faktin se afera e inceneratorëve ka nisur në kohën kur ministër i Mjedisit ka qenë Lefter Koka, ish-zyrtar i LSI-së. Ajo pyeti Kryemadhin se përse nuk ka folur që atëherë, por ngriti zërin pas ftesës së kryeministrit Edi Rama që Koka t’i bashkohej PS-së.

Kryemadhi nuk e ka pritur mirë këtë pyetje dhe deklaroi se Lala “po bën avokaten e djallit”, teksa tentoi të ndërrojë temë.

Por gazetarja ka ngulmuar që Kryemadhi t’i kthejë përgjigje pyetjeve të saj dhe kjo ka krijuar tension dhe nervovizëm te kryetarja e LSI-së.

Pjesë nga debati në “Open”:

Klodiana Lala: Deri në kohën kur Lefter Koka ishte pjesë e LSI nuk pati asnjë denoncim. Denoncimet nisën kur Rama bëri një video-selfie me zotin Koka ku edhe njoftoi përfshirjen e tij në PS. Në momentin kur Koka tradhtoi LSI-në nisi edhe revanshi i denoncimeve. Nuk janë kundër denoncimeve. Por më lind e drejta të dyshoj se zonja Kryemadhi dhe LSI nuk e po bën këtë denoncim për shqiptarët ku tashmë është shumë vonë, por mendoj që Kryemadhi dhe LSI po e bën për interesa politike dhe në momentin kur partitë po përgatiten për të hyrë në zgjedhje vendore. Kur hesht për vite me radhë është po aq bashkëfajtorë sa ata që e kanë kryer. A nuk është Kryemadhi po aq bashkëfajtore sa kryeministri. Përse denonconi tani?

Kryemadhi: Në fakt ky është një argumentim nga Klodi. Por po bën avokaten e djallit.

Klodiana Lala: Më thoni ku kam gabuar unë?

Kryemadhi: Klodi, unë po nxjerr deklaratën e Erion Veliajt.

Klodiana Lala: Ç'lidhje ka Erion Veliaj me analizën time. Se unë kam qenë një nga gazetarët, që bashkë me kolegen në krah, kam denoncuar me prova dhe fakte aferën e inceneratorëve.

Kryemadhi: Mund të vazhdoj Klodi se më shumë fole ti se unë.

Klodiana Lala: Shiko se jam një nga gazetaret e vetme që kam punuar për interesin publik.

Kryemadhi: Unë të falënderoj shumë. Sa i përket çështjes së inceneratorëve ka filluar që në 2014. Është iniciativë e ministrit Lefter Koka që atëherë përfaqësonte LSI-në. Në bashkëpunim me kryeministrin Edi Rama që atëherë kemi qenë në koalicon dhe kjo është arsyeja pse LSI është këtu ku është./ B.A. - CNA.al