web counter
LEXO PA REKLAMA!

SHKARKO APP

App Store
Google Play

E fundit!

x

PD zbulon “qëllimin”/ Kush fshihet pas zjarreve në malet e Krujës

5 Korrik 2022, 17:09, Politikë CNA
PD zbulon “qëllimin”/ Kush fshihet pas zjarreve në malet e
Selia e Partisë Demokratike

Partia Demokratike, e përfaqësuar nga anëtari i Këshillit Kombëtar, Bledi Kasmi, ka reaguar për zjarret që kanë përfshirë malet e Krujës.

Kasmi sulmoi qeverinë dhe ngriti akuzat se zjarret i kanë vënë të njëjtët persona që qeverisin kanabisin, inertet, guroret dhe gjithçka tjetër në mënyrë korruptivo-kriminale në Krujë.

Sipas tij, qëllimi i tyre është shfrytëzimi i masivit shkëmbor të zonës i pasur me gurë gëlqerorë, materiale që do të shkojnë në ndërtimet dhe koncesionet korruptive.

Ne emër të PD-së, ai i bëri thirrje organeve kompetente të punojnë për zbardhjen e ngjarjes dhe gjetjen, jo vetëm të autorëve, por edhe të porositësve.

“Në fushatën elektorale të 2013, Edi Rama bënte sikur i qante zemra për Krujën. Bënte be e rrufe për masivin pyjor të Krastës, për fabrikat e çimentos, ndotjen mjedisore, etj. Nuk ka nevojë të shkosh në Krujë për ta dëshmuar masakrën që i është bërë rrethinave të kësaj zone.

Unë sapo kthehem nga Kruja dhe jam dëshmitar i të paktën dy zjarreve që kanë përfshirë masivin pyjor të Krastës. Edhe sipas njoftimit të Policisë janë të qëllimshëm. Është e njëta dorë që qeveris kanabisin, inertet, guroret dhe gjithçka tjetër në mënyrë korruptivo-kriminale në Krujë.

Partia Demokratike denoncon dorën e zgjatur të aferave korruptive shtetërore, që i vunë flakën pyjeve të Krujës. Qëllimi është vetëm një: shfrytëzimi i masivit shkëmbor të zonës i pasur me gurë gëlqerorë, materiale që do të shkojnë në ndërtimet korruptive, koncesionet korruptive dhe babëzinë e pafundme të Rilindjes.

Pavarësisht se kush janë dorasët, Partia Demokratike e dallon logjikën e porositësve. Janë të njëjtët që e kanë kriminalizuar ekonominë e Krujës, qytetit me famë të shqiptarisë, kryeqytetit të arbërve të Gjergj Kastriotit. Meqë jemi te Skënderbeu, atë që i ka bërë Edi Rama Krujës, nuk ia kanë bërë as hordhitë e sulltan Muratit.

I bëjmë thirrje organeve kompetente të punojnë për zbardhjen e ngjarjes dhe gjetjen, jo vetëm të autorëve, por edhe të porositësve. Kur Kruja është në rrezik, Shqipëria është në rrezik!”, theksoi Kasmi në një deklaratë për shtyp./ B.A. – CNA.al





Lajmet e fundit nga