web counter
LEXO PA REKLAMA!

SHKARKO APP

App Store
Google Play

E fundit!

x

“Më morën urgjent, mendova se kishte bombë”/ Rama rrëfen historinë e padëgjuar

5 Korrik 2022, 11:01, Politikë CNA

“Më morën urgjent, mendova se kishte bombë”/ Rama

Kryeministri Rama zhvilloi sot një bashkëbisedim me përfaqësues të biznesit holandez që operojnë aktualisht në Shqipëri.

Por, gjatë fjalës së tij me përfaqësuesit e biznesit në Holandë, ndër të tjera, Rama vuri në dukje edhe problemin me perceptimin që ekziston në bote për vendin tonë.

Ai tha se ky problem duhet zgjidhur, pasi ka akoma njerëz që e mendojnë Shqipërinë si një vend jo të sigurt dhe të pa zhvilluar.

Rama përmendi historinë me një person VIP nga Holanda, i cili nuk donte të vinte në Tiranë, sepse ndihej i pasigurt.

Rama nuk e tregoi emrin e personit në fjalë, por tha se pasi kuptoi realitetin shqiptar, i kërkoi kryeministrit ndjesë për grackën në të cilën kishte rënë.

“Një holandez VIP që erdhi në Tiranë, nuk do e përmend se kush është. Dhe mora një mesazh nga Drejtori i zonës VIP nga aeroporti. Të lutem më merr urgjentisht. Thashë mos ka një zjarr apo bombë, apo zjarr katastrofik. Se pse më duhej që të merrja urgjent aeroportin. Ai më thotë se jemi në një situatë unike. Kemi një VIP me dhjetëra njerëz që nuk duan të hyjnë në Tiranë. Ka ardhur por nuk do që të vijë aty. Po nuk do të vijë se nuk ndihet i sigurtë. Po kërkon automjete të blinduara dhe mjete të armatosura. Më pas më thotë se kush ishte ky person. I thashë se mund të marrë Gardën e Republikës. Ai kërkonte armë të rënda. Pas 45 minutash mora një mesazh që personi në fjalë kishte mbërritur. Ai erdhi dhe më thotë ju detyrohem një ndjesë të thellë, sepse jam njeri që udhëtoj por nuk më ka ndodhur kurrë që të bie në një grackë kaq të madhe me atë që prisja dhe atë që gjeta. Më ka ndodhur në një grackë të madhe midis asaj që prisja dhe asaj që pashë, më tha. I thashë nuk je i vetmi, të gjithë biem në këtë grackë midis perceptimit të krijuar nga lajmet. Deri më tani nuk kam parë asnjë grua të mbuluar edhe pse është vend europian.  I thashë se është tërësisht një vend europian”, tha Rama./CNA.al





Lajmet e fundit nga