web counter
LEXO PA REKLAMA!

SHKARKO APP

App Store
Google Play

E fundit!

x

“Në nëntokën shqiptare është zbuluar një sasi e madhe gazi dhe nafte”/ Rama: Ndryshon të ardhmen

5 Korrik 2022, 10:21, Politikë CNA

“Në nëntokën shqiptare është zbuluar një

Kryeministri Rama ka zhvilluar një bashkëbisedim me përfaqësues të biznesit holandez që operojnë aktualisht në Shqipëri, si dhe me investitorë të rinj potencial, të interesuar për të zgjeruar aktivitetin e tyre në vendin tonë në sektorë me rëndësi.

Gjatë fjalës së tij Rama ka deklaruar se në nëntokën shqiptare është zbuluar sasi e konsiderueshme nafte dhe gazi, gjë që sipas tij mund të luajë rol në të ardhmen energjitike, të Europës.

“Këtu janë disa prej aktorëve kryesorë të kësaj pranie, në një marrëdhënie shumë të rëndësishme për ne që duam ta thellojmë dhe ta zgjerojmë sa më shumë të jetë e mundur. Kemi edhe kënaqësinë e privilegjin për të pasur në  vendin tonë Shell-in. Kemi shumë shpresë që së shpejti do të mund të ndajmë me opinionin tonë publik dhe pse jo me atë rajonal dhe përtej rajonit një zbulim shumë të rëndësishëm. Shell po arrin të realizojë në vendin tonë. Ata hezitojnë të flasin për shifra për momentin por shenjat tregojnë se mund të jemi në fazën e një zbulimi shumë të rëndësishme në tokë të gazit dhe naftës që jo vetëm do të ndikojë jashtë mase të ardhmen e vendit tonë, por në këto rrethana të caktuara do të luajë rol në të ardhmen energjitike të Evropës.”-tha Rama.

Rama u shpreh se ka pasur gjithashtu një rritje të rëndësishme të turistëve holandezë vitet e fundit./CNA.al





Lajmet e fundit nga