web counter
LEXO PA REKLAMA!

SHKARKO APP

App Store
Google Play

E fundit!

x

Me pasuri marramendëse dhe fëmijët e shkolluar jashtë/ Kryemadhi: Jam deputete, marr mbi 1 milion lekë në muaj

4 Korrik 2022, 19:13, Politikë CNA
Me pasuri marramendëse dhe fëmijët e shkolluar jashtë/
Kryetarja e LSI-së, Monika Kryemadhi

Kryetarja e LSI-së, Monika Kryemadhi, ka tentuar sërish të justifikojë pasurinë e saj marramendëse.

Kryemadhi tha se në muaj merr 1 milion e 100 mijë lekë të vjetra në dorë, nga rroga që i jep Kuvendi si deputete.

Ajo tha në emisionin “Task Force” se çdo qindrakë që shpenzon nga rroga e deklaron me fatura tatimore, 4 herë në vit.

“Unë jam deputete dhe e kam rrogën… se shqiptarët thonë sa e kanë rrogën këta. Deputetët e kanë rrogën 1 milion e gjysmë dhe unë marr 1 milion e 100 mijë lekë në dorë dhe ne kur shkojmë të bëjmë qoftë edhe një pagesë për t’i çuar në shkollë fëmijëve, qoftë edhe lekë xhepi në karta, duhet t’i deklaroj se unë jam PEP, political expose.

E para, unë duhet të deklaroj çdo gjë çdo qindarkë dhe për ato 1 milion e 100 mijë lekë që i jep Kuvendi deputetit, ne i deklarojmë, unë për vete deklaroj 4 herë në vit edhe faturën e supermarketit, edhe biletat e avionit, hotel, ilaçe, çdo gjë”, theksoi kryetarja e LSI-së.

Por ajo që nuk na tregon Kryemadhi është se si ia del familja e saj të paguajë mijëra euro për shkollimin e fëmijëve jashtë shtetit me një pagë 1 milion e 100 mijë lekë të vjetra. Gjithashtu ajo nuk flet as për pasurinë marramendëse.

CNA.al ka zbardhur më parë pasurinë e çiftit Meta-Kryemadhi dhe sipas atyre që kanë deklaruar vetë në ILDKPKI, rezultojnë me një pasuri me vlerë prej miliona eurosh.

Meta dhe bashkëshortja e tij Monika Kryemadhi, ndonëse nuk kanë asnjë biznes, gjithnjë sipas asaj që kanë deklaruar, rezultojnë milionerë./ B.A. - CNA.al

 





Lajmet e fundit nga