LEXO PA REKLAMA!

SHKARKO APP

E fundit!

x

Pse Sali Berisha nuk mund të mbrojë “Babalen” e Lulzim Bashës

4 Korrik 2022, 09:08, Politikë CNA
Pse Sali Berisha nuk mund të mbrojë “Babalen” e Lulzim
Sali Berisha dhe Ervin Salianji

Kreu demokrat dhe ish-kryeministri Sali Berisha ka urdhëruar një mbrojtje publike për Ervin Salianjin, “Babalen” e Lulzim Bashës.

Nëpërmjet një reagimi të tij në rrjetet sociale, por dhe një organizmi që po bën PD-ja zyrtare për të shkuar sot dhe për të mbështetur Ervin Salianjin, Berisha tregon edhe një herë se u qëndron njerëzve që i vijnë vërdallë, atyre që i kanë dhënë nga karriera e tyre politike apo i kanë ngritur vetë në politikë.

Në fakt, Ervin Salianji është nga ata që kur Berisha shkoi të protestonte me 8 janar mori drurin në dorë dhe godiste protestuesit, por gjithsesi njeriu që e shau dhe sulmoi Berishën tashmë do të duhet të përballet në gjykatë me akuzat e mashtrimit.

Është fjala për çështjen “Babale”, montimin dhe shitjen në publik të një audiopërgjimi që i kishte ndodhur me vëllain e ish-ministrit të Brendshëm, Fatmir Xhafaj.

Në fakt, të gjithë e dinë dhe Sali Berisha në PD se çështja e Agron Xhafajt në atë kohë kishte filluar të trajtohet shumë mirë zyrtarisht nga PD-ja. Çdo ditë dilnin eksponentë të rëndësishëm të kësaj partie dhe publikonin dokumente ku tregonin se kush ishte Geron apo Agron Xhafaj, vëllai i ish-ministrit të Brendshëm, i dënuar në Itali dhe i shpallur në kërkim.

Por më pas ndodhi diçka për protagonizëm politik, për skenarë politikë dhe për mashtrim publik, Ervin Salianji mori një gazetar, e keqpërdori dhe me një audiopërgjim të montuar publikoi sikur vëllai i ministrit fliste me “Babalen”.

Pse Sali Berisha nuk mund të mbrojë “Babalen” e Lulzim
Ervin Salianji

Një skandal i fëlliqur politik, të cilin të gjithë tashmë e dinë se çfarë ishte!

Në fakt, ajo që ka ngelur është thjeshtë dhe vetëm dhënia e verdiktit nga gjykata sepse të vërtetën e dinë të gjithë, por turpësisht Sali Berisha dhe Partia Demokratike këtë mashtrim publik po përpiqen ta mbrojnë.

Është e turpshme, e dhimbshme dhe njëkohësisht banale për PD-në që të mbrojë një "Babale" kur të gjithë e dinë se ka qenë një mashtrim, një keqpërdorim, ka qenë një abuzim politik, ka qenë një mashtrim publik dhe kjo e bërë me vetëdije dhe për qëllime të caktuara që lidhen me pratagonizmin dhe të ardhmen poltike.

Tashmë përballja me drejtësinë dhe verdikti i saj do të tregojnë se kush janë “Babalet” e vërteta të politikës dhe arsyet se pse ata nuk duhen mbrojtur.

Sa më pak të mbrohen aq më mirë për Partinë Demokratike.E kundërta do të ishte katastrofë për këtë parti dhe do t'i sillte jo pak pasoja./CNA.al

 



 

Lajmet e fundit nga