E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Rama "u vë kushte" gazetarëve/ Nuk mirëpres pyetje kritike në konferenca

3 Korrik 2022, 11:40, Politikë CNA

Rama "u vë kushte" gazetarëve/ Nuk mirëpres pyetje

Kryeministri Edi Rama

Kryeministri Edi Rama ka reaguar për masën e “riedukimit” që mori ndaj gazetarit Klevin Muka në konferencën për shtyp, pasi bëri një pyetje për ministren e Jashtme, Olta Xhaçka.

Pas reagimeve të shumta në media dhe pas thirrjes së një proteste nga gazetarët, Rama e thotë hapur se nuk do të mirëkuptojë gazetarët, që ai pretendon se shkelin normat etike.

Me anë të një statusi në rrjetet sociale, Rama deklaron se nuk do të mirëpresë pyetje kritike si ajo e Mukës, në konferencat për shtyp.

“E përshëndes si shprehje lirie sulmin e disave, që në emër të lirisë së medias kërkojnë legjitimim për lirinë e shkeljes së normave etike deri brenda konferencave të mia për shtyp, sepse jashtë tyre tanimë kjo liri është e legjitimuar plotësisht! Por kërkesa s'mund të plotësohet.

Jemi tërhequr nga përpjekja për ta normuar ligjërisht lirinë e shpifjes dhe të fyerjes, që në epokën e rrjeteve sociale ka marrë përmasa katastrofike! Nuk e kemi bërë as nga frika, as nga presionet po si reagim konstruktiv ndaj kërkesës së komunitetit mediatik për vetërregullim.

Ku është vetërregullimi? Nejse,do ta presim pa shpresë se do vijë! Por ndërkohë nuk ka për të ndodhur që të legjitimohet liria e shkeljes së normave etike sy më sy në praninë time. E kam ndryshuar ka kohë qasjen time, jo se janë zhdukur kazanët po se kam reaguar ndaj kritikave.

Por ja që asgjë s'ka ndryshuar nga ana tjetër, përkundrazi, megjithëse asnjë gazetari e asnjë medieje nuk i ka hyrë asnjë gjemb në këmbë nga kjo qeveri dhe megjithëse disponimi ndaj pyetjeve e kërkesave për informacion ka qenë maksimal, janë shtuar shpifjet e është ulur rankimi!

Si përfundim: Shpifni, gënjeni, sajoni, shkruajeni e fliteni shqipen keq sa të doni, sepse askush nuk do t'ju thotë "plaç", po mos prisni që dhe kur vini për të pyetur mua të ushtroni publikisht në mënyrë të përsëritur lirinë e shkeljes së etikës dhe përsëri të jeni të mirëseardhur!”, shkruan kreu i qeverisë./ B.A. – CNA.al