web counter
LEXO PA REKLAMA!

SHKARKO APP

App Store
Google Play

E fundit!

x

Rama pezulloi gazetarin se nuk i pëlqeu pyetja/ Reagon Berisha: Media është e kërcënuar

1 Korrik 2022, 21:24, Politikë CNA
Rama pezulloi gazetarin se nuk i pëlqeu pyetja/ Reagon Berisha: Media
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar pasi Edi Rama dënoi sot një tjetër gazetar, se i bëri pyetje ministres Olta Xhaçka. Siç duket kryeministrit nuk i ka pëlqyer sërish pyetja, ndaj ai ka vendosur të mos e lërë gazetarin tre muaj të marrë pjesë në konferencat e tij.

Pas gazetares së "Syri TV", Ambrozia Meta, Rama kaloi në riedukim edhe gazetarin e "A2 CNN", Klevin Muka, duke e përjashtuar nga konferencat e shtypit për tre muaj. 

Berisha e quan Ramën si kryeministrin e denjë të talebanëve dhe jo të një vendi anëtar të NATO-s. 

Me Ramën, shkruan Berisha në "Facebook", mediat dhe gazetarët janë të kërcënuar. 

Kreu demokrat u bën thirrje organizatave ndërkombëtare të dënojnë sjelljen e kryeministrit. 

"Sjellje e denjë për kryeministrin e talebanëve dhe jo të një vendi anëtar të NATO-s.
Miq, sot në një akt arrogance të dënueshme, tipike për armiqtë e fjalës së lirë, Edi Rama zgjodhi të kërcënojë dhe ndëshkojë gazetarin Klevi Muka të A2, për fajin e vetëm se ai, duke bërë detyrën, pyeti ministren Xhaçka, të përfshirë në një skandal prone publike, nëse ajo ka zbatuar rregullin e caktuar nga vetë Rama për takimet e ministrave me biznesmenë.
Duke përgëzuar gazetarin Klevin Muka për pyetjen e tij profesionale dhe legjitime, dënoj me ashpërsinë më të madhe sjelljen e përsëritur prej harbuti të Edi Ramës i cili kërcënon dhe pengon si armik i mediave gazetarët në detyrën e tyre. Ju bëj thirrje organizatave të mbrojtjes së lirisë së mediave të dënojnë me forcë më të madhe kërcënimet dhe arrogancën e përsëritur të kryeministrit Edi Rama ndaj gazetarëve dhe të mbrojnë gazetarët e kërcënuar prej tij. sb"/ CNA.al





Lajmet e fundit nga