web counter
LEXO PA REKLAMA!

SHKARKO APP

App Store
Google Play

E fundit!

x

Legalizimi i kanabisit/ PD: Projekt pabesie ndaj shqiptarëve

1 Korrik 2022, 17:11, Politikë CNA
Legalizimi i kanabisit/ PD: Projekt pabesie ndaj shqiptarëve
Eleina Qirici

Partia Demokratike e cilëson si projekt të pabesë  të Edi Ramës, legaliziminin e kanabisit në vend. Sipas demokratëve, Edi Rama kërkon të legalizojë  kanabisin në Shqipëri, në vendin e 7 në botë për prodhim dhe trafikim të lëndëve narkotike.

“Pasi i voli arat, kodrat dhe malet e Shqipërisë për 8 vjet, duke informalizuar ekonominë dhe kriminalizuar shoqërinë, Edi Rama ka gati një projekt tjetër pabesie. Me anë të një projektligji, të bërë publik së fundmi, ai kërkon të legalizojë kanabisin. Vendin e 7 në botë për prodhim dhe trafikim, kërkon ta fusë në thesin e legalizimit të lëndës narkotike”, tha Qirici.

 Në një deklaratë për shtyp anëtarja e Kryesisë së PD, Eleina Qirici, u shpreh se “në një raport të Kombeve të Bashkuara për vitin 2022, Shqipëria renditet e shtata në botë për origjinën, nisjen dhe transitin e kanabisit për periudhën 2016-2019. Këtu nuk ka lajm, sepse raporti pasqyron një fakt që Partia Demokratike e thotë, e thekson, e bërtet prej kohësh”.

Ajo thekson se, “Partia Demokratike ndjen keqardhje për murin e turpit ku e varin Shqipërinë raportet ndërkombëtare, siç është edhe ky i fundit. Faji nuk është i raporteve, por i qeverisë në krye të vendit”.

Ajo që duam të theksojmë,- tha Qirici, -është se, kriza nuk zgjidhet duke hapur një krizë tjetër.

 Duke vënë në dyshim punën e qeverisë rama dhe seriozitetin në luftën ndaj trafikur, Qirici u shpreh se, “ së pari, Shqipëria e Ramës nuk është Amerika dhe as Holanda, me institucionet e kontrollit dhe të balancës. Pra, nuk ka siguri se, ai që shitet si legalizim për qëllime mjekësore, nuk është formalizim i trafikut të drogës.

Së dyti, përvoja rajonale, në rastin e Maqedonisë së Veriut, ka treguar se një sipërmarrje e tillë është një dështim.

Së treti, nga tradita e partneriteteve të qeverisë, ne dyshojmë se, me të njëjtat metoda dhe të njëjtët njerëz, nuk do kemi më shumë se koncesionin e radhës të tarafeve dhe monopolizimit.

Me këto nisma, jo transparente, Shqipëria është në rrezik”./CNA.al

 





Lajmet e fundit nga