LEXO PA REKLAMA!

SHKARKO APP

E fundit!

x

Pallati i Brigadave, me koncesion/ Berisha: Nuk do t'i gëzojë kush pasuritë që i vjedh me Ramën, tërhiquni

1 Korrik 2022, 12:45, Politikë CNA

Pallati i Brigadave, me koncesion/ Berisha: Nuk do t'i gëzojë

Kryetari i Partisë Demokratike, Sali Berisha, i ka drejtuar një mesazh kryeministrit Edi Rama, sot gjatë një deklarate për mediat.

Duke u ndalur te vendimi për të dhënë me koncesion Pallatin e Brigadave, Berisha paralajmëroi se askush nuk do të mund t'i gëzojë pasuritë, që sipas tij i vjedh me Ramën.

“Edi Ramës i them se ky është vetëm fillimi. Edvin, 7 korriku është vetëm fillimi. Të garantoj dhe dije se fjala ime është fjalë.

Është vetëm fillimi pasi ka tejkaluar çdo vijë të kuqe në qëndrimin cinik ndaj qytetarëve shqiptarë me qëndrimet e tij. Me faktin që firma që lëshon ka një vjedhje.

E morët vesh ju, pas Butrintit i erdhi radha Pallatit të Brigadave. Që është një trashëgimi kulturore shumë e rëndësishme.

Qëllimi i Ramës është shkatërrimi de facto i këtij parku. Nuk është çudi kur të shohim kulla aty, por Rama nuk do të jetë në pushtet deri në atë kohë.

Nuk do të gëzoni pasuri duke e ndarë me Edi Ramën dhe njerëzit e tij. Ky është një zotim solemn. Këto akte kriminale nuk do të mbeten pa përgjigje.

Tërhiquni, mos vidhni me Edi Ramën. Mos u bëni bashkëvjedhës me Edi Ramën dhe ministrat e tij.

Ky njeri nuk do t'u shpëtojë dot ligjeve të vendit dhe atyre ndërkomëbtare”, - tha Berisha./CNA.al

 

Lajmet e fundit nga