web counter
LEXO PA REKLAMA!

SHKARKO APP

App Store
Google Play

E fundit!

x

Berisha, sërish mesazh Bashës dhe Alibeajt/ “Nuk i këshilloj të vijnë në protestë”

30 Qershor 2022, 21:40, Politikë CNA
Berisha, sërish mesazh Bashës dhe Alibeajt/ “Nuk i
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka përsëritur sërish këshillën për Lulzim Bashën dhe Enkelejd Alibeajn që të mos marrin pjesë në protestën e 7 korrikut.

Berisha tha se ai nuk po i përjashton ato nga protesta, por theksoi se Basha dhe Alibeaj janë si zjarrfikës për entuziazmin e demokratëve.

“Deklaratat i përkasin Alibashës. E thashë edhe një herë tjetër që ai bashkë me Bashën nuk janë të këshilluar të vijnë në protestë. Për shkak se janë si zjarrfikës. Për shkak të bashkëpunimit me Ramën, ata kanë efekt zjarrfikës dhe demokratët nuk parapëlqejnë të jenë zjarrfikës. Këshilla nuk është përjashtim. Unë vetëm këshillë thashë, nuk kam thënë ndalim. Unë kam thënë nuk është e këshillueshme”, u shpreh ai.

Gazetari Blendi Fevziu tha në emisionin “Opinion” se Basha dhe Alibeaj mund ta marrin këtë deklaratë si kërcënim, ndërsa Berisha nënvizoi se këshilla nuk mund të konsiderohet në atë mënyrë.

“Nuk është kërcënim. Këshilla kërcënim nuk është. Në qoftë se ti jep një këshillë, tjetri mund të thotë faleminderit, unë do të vij dhe nuk të pyes fare për atë punë dhe ka të drejtë të vijë”, deklaroi ish-kryeministri./ B.A. – CNA.al





Lajmet e fundit nga