web counter
LEXO PA REKLAMA!

SHKARKO APP

App Store
Google Play

E fundit!

x

Protesta e PD-së/ Deputeti i Bashës ankohet për përfshirjen e emrit në grupet e punës

30 Qershor 2022, 19:15, Politikë CNA
Protesta e PD-së/ Deputeti i Bashës ankohet për përfshirjen
Deputeti Kreshnik Çollaku

Deputeti i Lulzim Bashës, Kreshnik Çollaku, është ankuar për përfshirjen e emrit të tij në grupet e punës së Partisë Demokratike, për protesën e 7 korrikut.

Me anë të një statusi në rrjetet sociale, Çollaku thotë se ndihet i cenuar në dinjitetin e deputetit dhe atë personal nga kolegët që hartuan grupet e punës.

Sipas tij, demokratët duhet të ishin konsultuar paraprakisht me të, pasi pretendon se është një akt që dëshmon mosrespekt dhe shpërfillje.

Ndër të tjera, deputeti i Bashës ka pranuar se do të marrë pjesë në protestë.

Statusi i plotë i Çollakut:

Të dashur miq nga mediat po mësoj se qenkam pjesë e një grupi pune për organizimin e protestës së 7 korrikut.

Lidhur me protestën e 7 korrikut dhe praninë time në të, detyrohem të sqaroj qëndrimin tim.

Unë jam deputet i opozitës , ish student i dhjetorit ’90, anëtar i grevës së urise të ’91, një pjesë e familjes së persekutuar gjatë rregjimit komunist.

Për gjithë historikun dhe angazhimin tim personal në asnjë ditë nuk kam rreshtur të punoj kundër cdo qeverie e qeverisje te majte, do te vazhdoj ta bej edhe sot dhe neser pavaresisht statusit tim te perfaqesimit.

Kundra Edi Rames do te prostesoj edhe sikur ta therrase nje proteste dhe nje qytetar i thjeshte e jo miq e kolege deputete demokrate.

Por protesta e dt 7 ka nevoje per qartesi:

-Qartesi se ajo nuk do te perdoret per rivalitetet brenda PD dhe kontestit qe ende vazhdon brenda saj.

Ftesa te tilla te shpallura ne media duken si larje goje e jo tentativa reale per bashkim.

Askush nuk ka refuzuar apo penguar konsultime e dakordesi e bashkepunim opozitar,ndersa akte te tilla duket se shkojne me shume ne kah te imponimit se sa reflektimit perbashkues.

-Qartesi se ne proteste nuk do te gjejne platforme individe apo axhenda sovraniste dhe euroskeptike,e aq me pak te derivojne struktura me frymezime te tilla qe nuk kane asnje lidhje me identitetin e PD se themeluar ne dhjetor 90.

PD lindi si force proeuropiane proamerikane dhe e tille duhet te mbetet.

Une kerkoj nga organizatoret e protestes deputetet e miqte e mi demokrate te shmangin individe apo grupe te tilla me axhenda te tjera nga protesta dhe mesazhi i saj.

Ne rastin ne fjale ndihem i cenuar ne dinjitetin e deputetit dhe ate personal. Te gjithe antaret e atij grupi pune i kam miq ,por praktika e shpalljes se grupeve te tilla dhe drejtuesve pa minimalisht pyetur e konsultuar paraprakisht me mua jo vetem ne cilesine e deputetit te Qarkut Diber por edhe personalisht si Kreshnik,eshte nje akt qe deshmon mosrespekt dhe shperfillje.

Edhe pse i kam miq prej nje jete eshte e pamundur te me caktoje ne grupe pune ne emer te PD perfaqesues te nje strukture qe pertej respektit e miqesise personale i konsideroj te zgjedhur njeanshmerisht deri ne pritje te nje verdikti gjyqesor ende te pazgjidhur.

Une do te marr pjese ne cdo proteste kunder kesaj qeverie dhe Edi Rames,me kusht qe protesta te tilla te qendrojne ne identitetin e palekundur te PD si forca qe 30 vite me pare kerkoi dhe luftoi per nje Shqiperi EuroAtlantike./ B.A. – CNA.al





Lajmet e fundit nga