web counter
LEXO PA REKLAMA!

SHKARKO APP

App Store
Google Play

“Çilistja” e Bashës tenton t’i bëjë bisht protestës së 7 korrikut/ Gjen justifikimin  

30 Qershor 2022, 12:03, Politikë CNA

“Çilistja” e Bashës tenton t’i bëjë

Oriola Pampuri ishte një ndër emrat “anonimë” të futur në listat e kandidatëve për deputetë, në zgjedhjet e përgjithshme parlamentare, të 25 qershorit të 2017-ës.

Nga pedagoge në universitetin e drejtuar nga Henri Çili, Oriola Pampuri e pa veten në listat e kandidatëve për deputetë të Lulzim Bashës në vitin 2017. Listë e cila i solli PD-së një katastrofë elektorale, me rreth 230 mijë vota më pak se ditën që doli në Opozitë. Por, “Çilisten” e Bashës e bëri deputete, dhe vazhdon edhe sot të përfitojë benefitet.

Ndërkohë sot “Çilistja” e Lulzim Bashës, gjatë një dalje për mediat, ka lënë të nënkuptohet se po kërkon t’i bëjë bisht protestës së 7 korrikut, kundër rritjes së çmimeve.

Pampuri tha se opozita ka qenë gjithmonë mbështetëse e protestave, por shtoi se “rastësisht” ajo edhe mund të jetë në një udhëtim pune.

“Opozita ka qenë gjithmonë krah protestave.

PD ka qenë gjithnjë krah protestave, kemi qenë pre e gazit lotsjellës dhe prapë kemi qenë aty. Nuk kuptoj pse kjo protestë ka marrë kaq shumë bujë kur është më se normale. Nëse nuk do të jem në një udhëtim pune që është i planifikuar sigurisht që do të jem”, tha Pampuri.

Tani është vërtetë udhëtim pune apo Pampuri pret urdhrin nga Basha & Co, këtë mund ta dijë vetëm ajo.

Por, çudi e madhe do të ishte një udhëtim pune, pikërisht në 7 korrik, ditën që shqiptarët do të protestojnë kundër Qeverisë, kundër rritjes së çmimeve./CNA.al

 





Lajmet e fundit nga