web counter
LEXO PA REKLAMA!

SHKARKO APP

App Store
Google Play

“Jam i dashuruar pas protestave”/ Deputeti demokrat: Me 7 Korrik do të kem një angazhim maksimal

29 Qershor 2022, 20:26, Politikë CNA
“Jam i dashuruar pas protestave”/ Deputeti demokrat: Me 7 Korrik do
Foto ilustruese

Deputeti demokrat, Dashnor Sula, ka konfirmuar se do të jetë i pranishëm në protestën e 7 korrikut.

I ftuar në emisionin "Radari informativ", Sula tha se është i dashuruar pas protestave dhe nuk ka rëndësi se kush i organizon, por që mbron të drejtat e qytetarëve.

“Sigurisht nga 2005 dhe më vonë kam dalë në çdo protestë, përveç 2 protestave të fundit sepse nuk kisha mundësi fizike të shkoja. Në të gjitha protestat që ka thirrur Shoqëria civile kam qenë. Unë e kam të shenjtë protestën. Do të organizoj njerëzit dhe mbështetësit e mi. Nuk janë demokratët aty, janë qytetarët tanë. Nëse në protestat e tjera kam pasur një angazhim minimal, në datën 7 korrik do të kem një angazhim maksimal. Për të qenë i sinqertë nuk është gjë e keqe, është vlerësim që është futur edhe emri im në grupet e punës. Nëse Berisha do të ketë këtë qasje do të ishte një gjë e mirë, një hap që do ta shikoj si një kthesë dhe fije shprese për të pasur një bashkim të demokratëve”, tha Sula.

Sula shtoi se cilido që të jetë vendimi i Apelit, nuk do të largohet nga PD-ja. Nëse Apeli i jep të drejtë Berishës, atëherë ai do të rreshtohet në krah të ish-kryeministrit.

“Nuk është kjo rruga e duhur, ne nuk e kemi luksin që të largojmë asnjë demokrat. Zgjidhja janë zgjedhjet e lira dhe gjithëpërfshirëse. Nëse vendimi është Sali Berisha, duhet të shkojmë aty, të nënshtrohemi dhe të luftojmë për vitin 2023. Do të jetë gabim i Berishës nëse do të dalë pastaj me 2 kandidatë sepse e provuam më 6 mars. Mjafton një vullnet i sinqertë i dy palëve. Të bëhen primaret, por jo vetëm me lista të cilat mund të çojë kjo kryesi, Rithemelimi. Të jenë jo vetëm listat e demokratëve, por të jenë të lirë të shkojnë edhe qytetarët. Pra, të hapet partia”, u shpreh deputeti./ A.E-CNA.al





Lajmet e fundit nga