web counter
LEXO PA REKLAMA!

SHKARKO APP

App Store
Google Play

“Arsimi në pikën alarmante”/ Vokshi kërkon dorëheqjen e Kushit

29 Qershor 2022, 14:12, Politikë CNA
“Arsimi në pikën alarmante”/ Vokshi kërkon

Deputetja e PD Albana Vokshi ka kërkuar dorëheqjen e ministres së Arsimit Evis Kushi.

Në një dalje për media, pas përfundimit të seancës gjyqësore, Vokshi tha se Kushi nuk ishte e pranishme, për tu përballur me provat dhe faktet që kishte marrë me vete.

“Sot u paraqita personalisht para Gjykatës së posacme pas padisë së Ministres së Arsimit Evis Kushi. Zonja më paditi për denoncimin e bërë prej meje, para disa javësh, pas sinjalizimeve të mësuesve të qarkut Elbasan për nxjerrjen dhe shpërndarjen e tezave të provimit për mësuesit e arsimit parauniversitar.
 
Ishte seanca e parë pajtuese, por për çudi, Ministrja Kushi nuk ndodhej në seancëashtu siç ligji e përcakton.
 
Unë kisha me vete të gjitha provat dhe faktet, por edhe pse jo pasojat për keqmenaxhimin e proceseve në Ministrinë e Arsimit, njëri prej të cilëve, edhe testi për vlerësuesit e arsimit parauniversitar. E pata të pamundur t’i paraqes këto prova pasi Ministrja Kushi vendosi që të mos paraqitej.
 
I kërkova gjykatës që të thirrej në seancë ministrja Kushi, për t’ia paraqitur në prezencë sipas ligjit, të gjitha faktet dhe provat të cilat i ka denoncuar dhe do të vazhdoj t’i denoncoj.
 
Ministrja sa kohë harxhon nëpër gjyqe duke bërë të pafajshmen, por do të ishte në nderin dhe moralin e saj të kishte dhënë menjëherë dorëheqjen.
 
Koha e provoi qe pyetjet ishin po ato që u derguan ne inbox-in tim nga nje mesuese. 
 
Kjo tregon degradimin e sistemit arsimor. 
 
Evis Kushi ka përgjegjësi ligjore, ka përgjegjësi morale dhe përgjegjësi politike. Ajo duhet të kishte dhënë dorëheqjen. 
 
Arsimi sot gjendet në një pikë alarmante vetëm në vitet e qeverisjes së Ramës janë 208 mijë nxënës dhe studentë të larguar nga arsimi sepse ministrja Kushi dhe Edi Rama e kanë kthyer arsimin në celulë të Partisë Socialiste. 
 
Politizimi i sistemit dhe keqtrajtimi financiar i mësuesve janë arsyet kryesore pse sot arsimi është ne gjendjen me të keqe ne te gjithë historinë e vet.
 
Testet e maturës theksuan edhe njëherë gjendjen e rende te këtij sistemi. 
Kjo qeveri është armike e dijes dhe e zhvillimit.
 
Nxënësit tanë po lenë shkollën dhe braktisin Shqipërinë. 
 
Pa dijen, pa arsimin, pa rininë, Shqipëria është në rrezik.
 
Si prind, u bëj thirrje nxënesve dhe prindërve të tyre, t’i bashkohen protestës më 7 korrik”, tha Vokshi./CNA.al





Lajmet e fundit nga