web counter
LEXO PA REKLAMA!

SHKARKO APP

App Store
Google Play

E fundit!

x

Në grupet e punës për protestën, edhe njerëzit e Bashës/ Këlliçi: S’duhet njoftim për të bërë detyrën

29 Qershor 2022, 21:43, Politikë CNA
Në grupet e punës për protestën, edhe njerëzit e
Anëtari i Kryesisë së Partisë Demokratike, Belind Këlliçi

Partia Demokratike ka publikuar sot grupet e punës për protestën e 7 korrikut, ndërsa në lista janë përfshirë emra deputetësh demokratë, të cilët nuk kanë qenë pjesë e proceseve të ndërmarra nga Sali Berisha.

Lidhur me përfshirjen e emrit në grupin e punës ka reaguar sot Saimir Korreshi, i cili ironizon vendimin e demokratëve, duke shtuar aludimet se deputetët nuk janë njoftuar për listat.

Këtyre aludimeve u ka dhënë përgjigje pak më parë anëtari i Kryesisë së Partisë Demokratike, Belind Këlliçi, i cili tha se deputetët janë caktuar të bëjnë detyrën, pasi theksoi se për këtë edhe janë votëbesuar.

“I bie që një deputet që është i ngarkuar për të përfaqësar qarkun dhe zonën ku ka dalë deputet, nuk paska njoftim për detyrën që ia kanë mandatuar demokratët. Është procedurë standarde.

Kryesia, deputetët i ka shpërndarë në zonën ku janë zgjedhur. Ose si në rastin e zotit Paloka, ka kërkuar të jetë në Tiranë dhe Bylykbashi në Durrës. Patjetër është marrë një vendim unanim për t’ja respektuar këtë kërkesë”, u shpreh ai në emisionin “Now” me Erla Mëhillin, ndërsa komentoi edhe deklaratën e Korreshit.

“Nuk e gjykoj këtë. Zoti Korreshi njihet për natyrën e batutave, të humorit. Por zotin Korreshi nuk e mohon njeri që është demokrat, i zgjedhur deputet me votat e demokratëve të Lushnjës dhe besoj se edhe demokratët e Lushnjes e presin të jetë në krye të punës”, theksoi Këlliçi./ B.A. - CNA.al





Lajmet e fundit nga