web counter
LEXO PA REKLAMA!

SHKARKO APP

App Store
Google Play

Kompensimi i çmimeve për materialet e ndërtimit/ Ahmetaj: Është në favor të investimeve publike

30 Qershor 2022, 11:27, Politikë CNA
Kompensimi i çmimeve për materialet e ndërtimit/ Ahmetaj:
Arben Ahmetaj

Zv.kryeministri Arben Ahmetaj foli në Kuvend për aktin normativ të materialeve të ndërtimit duke e nisur fjalën e tij me të gjithë mbështetjen që ka dhënë qeveria në 3 vitet e fundit për qytetarët.

Sa i përket aktit normativ, sqaron se qeveria kompenson kompanitë private në favor të investimeve publike, por vepron brenda mundësive të veta. Ndaj thekson se kjo nuk bëhet nga fryma e Zotit, por lidhet me punën e qeverisë.

"Në aspektin e panoramës së mbështetjes, ftoj palët dhe qytetarët që të analizojnë veprimet e qeverisë në 3 vitet e krizës që kanë kaluar. Është marrë me qytetarët që kanë humbur shtëpitë, e paprecedentë nga ana sociale, asnjë vend se ka bërë, kanë vënë kredi. E dyta, në pandemi, u injektua një paketë për t'i ndihmuar. Çfarë ndodhi me ekonominë, 50 mijë vende pune u shpëtuan. Pastaj kategoria e dytë, qytetarët që kanë sipërmarrje të vogla që paguajnë 0 taksa. Ma gjeni precedentin në Europë. Kjo është filozofia e mbështetjes.

Po ata që paguajnë më pak? Pjesa më e madhe nuk paguajnë asnjë taksë. Dikush nga e djathta më thoshte nuk duhet t'i taksojmë. I thosha, jo nuk duhet t'i taksojmë.

Në krizën nga lufta në Ukrainë, e gjithë bota e ka pranuar krizën e çmimeve që nga energjia deri tek ushqimet dhe nuk dihet sa do të vazhdojë. Çfarë bëri qeveria? Paketë injektuese për qytetarët në nevojë. Më pas vendosi të mbajë çmimet e energjisë si asgjëkundi tjetër. Ndihmë për peshkimin gjithashtu. Qeveria ka në fokus qytetarin si konsumator dhe që ka nevojë të ndihmohet në raste krizash. Këtë ka bërë qeveria.

Ju të djathtët duhet ta vendosni. Ne jemi për të gjithë, ju 3%. Investimet publike kanë një ngërç. Çmimet janë rritur. Qeveria kompenson në favor të investimeve publike. Qeveri vepron brenda mundësive të veta, edhe kur premton subvencion. Mundësia kufizohet që nga borxhi deri te të ardhurat. Kjo po bëjmë ne me këtë akt. Po injektojmë 5-30%. Për një deputet që kupton, ekonomia është rritur. Nga vjen kjo? Vetëm nga fryma e Zotit? Ka lidhje edhe me qeverinë. Është rekord injektimi dhe vendoseni në jeni të djathtë, gjysmë të djathtë apo gjysmë të majtë. Të vijojmë me paketë të re nëse do të jetë e nevojshme në vjeshtë", tha Ahmetaj./CNA.al





Lajmet e fundit nga