web counter
LEXO PA REKLAMA!

SHKARKO APP

App Store
Google Play

“U rikthyem në vitin 1966”/ Berisha bën thirrjen urgjente

30 Qershor 2022, 13:38, Politikë CNA
“U rikthyem në vitin 1966”/ Berisha bën thirrjen urgjente
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar në lidhje me protestën e avokatëve, të cilët kundërshtojnë hartën e re gjyqësore.

Në një postim në rrjetet sociale, Berisha shkruan se me këtë vendim, sistemi gjyqësor i Edi Ramës rikthehet në vitin 1966, në të cilin diktatori Hoxha hoqi mbrojtjen e të akuzuarve nga avokatët dhe ndaloi këtë profesion.

Më tej, ai thekson se me grevën e tyre avokatët mbrojnë të drejtën themelore të qytetarëve shqiptarë për një proces të rregullt ligjor.

“Avokatët e Shqipërisë shpallin grevë pa afat!

Këshilli i Përgjithshëm i Avokatisë së Shqipërisë vendosi shpalljen e grevës kombëtare pa afat të avokatëve të vendit si akt proteste ndaj hartës së re të gjyqësorit.

Me këtë vendim të drejtë, sistemi gjyqësor i Edi Ramës rikthehet në vitin 1966, në të cilin diktatori Hoxha hoqi mbrojtjen e të akuzuarve nga avokatët dhe ndaloi këtë profesion.

Me grevën e tyre avokatët mbrojnë të drejtën themelore të qytetarëve shqiptarë për një proces të rregullt ligjor.

Greva e tyre është shembull frymëzimi për të gjithë profesionistët, mbarë qytetarët shqiptarë për mbrojtjen e të drejtave të tyre themelore ndaj abuzimeve të pushtetit monist të krimit dhe drogës të Edi Ramës dhe pseudoreformës sorosiane të sistemit të drejtësisë.

Duke mbështetur plotësisht grevën pa afat të avokatëve të vendit, dënoj me ashpërsinë më të madhe hartën e re antiligjore dhe antikushtetuese të gjykatave dhe kërkoj anulimin e menjëhershëm të saj.”-shkruan Berisha./CNA.al





Lajmet e fundit nga