web counter
LEXO PA REKLAMA!

SHKARKO APP

App Store
Google Play

Spiropali merr në mbrojtje Ballën/ “I mbyturi, të mbyt”

30 Qershor 2022, 17:02, Politikë CNA
Spiropali merr në mbrojtje Ballën/ “I mbyturi, të
Ministrja, Elisa Spiropali

Kreu i PD-së, Sali Berisha, deklaroi se do të bëjë 6 padi kundrejt kreu të grupit parlamentar të PS-së, Taulant Balla, pasi e ka akuzuar duke e quajtur grabitës pronash.

“Ky Gentian Sharra aty (nënkupton Taulant Ballën) ka deklaruar se Sali Berisha ka tokë në Tiranë, Dhërmi dhe në Lalëz. Do të ketë 6 padi. 3 civile dhe 3 penale. Do të dalë edhe ai në kërkim si Gentian Sharra i tij”, tha Berisha.

I menjëhershëm ka qenë reagimi i ministres Elisa Spiropali, e cila ka marrë në mbrotje Ballën.

“Nëse ka një stoli të cilës i është rënë në qafë në këtë Kuvend ajo është fjala e gjuhës shqipe. Të errur nga inati se sa më shumë përparojnë në luftën e tyre të brendshme, aq më shumë i largohen pushtetit që ëndërrojnë të bëjnë gjërat që po përmendin këtu. Ata kujtojnë se të gjitha gjërat që i bëjnë vetë ose do të donin ti bënin vetë, kujtojnë se i bëjmë ne. Nuk ka krim më të madh se ta kthesh sallën e Kuvendit të Shqipërisë në një arenë të tillë të shpërfytyrimit të gjuhës shqipe. Ne sot duhet të diskutonim me gjuhën që na takon si deputet,. Por ju jeni kapur pas flokëve të Saliut si i mbyturi që mbyt. Sa më shumë ju kapen në flokët e tij dhe flisni për qytetarët , por për qytetarët jemi ne që kemi qenë në krah të tyre, asnjë ditë të vetme si kemi lënë vetëm. Ju nuk merreni me qytetarët, ju doni të nxisni turmat që të shpëtoni Saliun”, tha Spiropali./ A.E-CNA.al





Lajmet e fundit nga