web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore në 2023-shin/ Berisha, thirrje grave dhe vajzave: Bëhuni pjesë e garës

30 Qershor 2022, 18:44, Politikë CNA
Zgjedhjet vendore në 2023-shin/ Berisha, thirrje grave dhe vajzave:
Kreu i PD-së, Sali Berisha

Kreu i PD-së, Sali Berisha, gjatë një takimi me gratë dhe vajzat e LDGSH, u ka bërë thirrje që të kandidojnë në zgjedhjet vendore të 2023-shit.

Berisha u shpreh se ka dëshirë të shohë një numër sa më të madh të grave dhe vajzave në detyra, pasi sipas kreut të PD-së, janë më të përgjegjshme dhe shumë të afta në detyra.  

“Ne duhet të punojmë fort bashkarisht, që roli i gruas në PD të ridimensionohet me shpejtësi. Nga disa takime kam shprehur keqardhje në rast se u hedh një vështrim audiencave tona ato janë mashkullore dhe janë mashkullore në mënyrë të pamerituar, ata kanë bashkëshortet, motrat, që duhet të jenë bashkë me ta në sallë. Ne si PD shprehim angazhimin. Fitorja kalon nëpërmjet zonës elektorale grua, vajzë.

Kjo është më e fuqishme në rrafshin elektoral se zona tjetër. Kjo është më numerike, por gjithashtu shumë më aktive në fushatën zgjedhore se zona tjetër.

Pa asnjë diskutim, fitorja e PD-së është jetike, sot kalon nga vajzat dhe gratë demokrate të Shqipërisë. Ne jemi në prag të fushatës zgjedhore për qeverisjen vendore. Më vjen mirë shumë se, njeriu i parë që është paraqitur tek unë për të kandiduar për kryetare bashkie të qytetit të saj ishte një zonjë.

Ju ftoj që të bëni çdo përpjekje për të kandiduar dhe të marrë pjesë në garën që do zhvillohet në garën e primareve dhe pastaj garën për drejtues të bashkive, dhe kam shumë dëshirë të shoh një numër sa më të madh vajzash dhe grash në detyra që janë shumë të përgjegjshme dhe shumë të afta në detyrat e tyre”, tha Berisha./A.E-CNA.al

 





Lajmet e fundit nga