web counter
LEXO PA REKLAMA!

SHKARKO APP

App Store
Google Play

Nënshkruhet memorandum për gazin/ Rama, batuta në Madrid: Varemi nga humori i atij lart

30 Qershor 2022, 20:10, Politikë CNA
Nënshkruhet memorandum për gazin/ Rama, batuta në Madrid: Varemi
Kryeministri Edi Rama dhe ministrja e Infrastrukturës, Belinda Balluku.

Ditën e sotme është nënshkruar Memorandumi i Mirëkuptimit ndërmjet Albgaz dhe kompanisë prestigjioze spanjolle ENAGAS, e cila pritet që t’i hapë rrugë bashkëpunimit mbi një sërë projektesh të Qeverisë Shqiptare në sektorin e gazit.

Për nënshkrimin e këtij memorandumi, në Madrid ka shkuar kryeministri Edi Rama, i shoqëruar nga ministrja e Infrastrukturës, Belinda Balluku.

Gjatë takimit, Rama ka bërë batuta me përfaqësuesit e kompanisë spanjolle të gazit.

“Është një ndjesi e mirë për ne. Kur Belinda më tha se do të bëhet kjo gjëja, i thash dua të jem aty. Është e mirë për ne dhe ENAGAS. Kjo është arsyeja që ndoshta ju detyrova që t’ju ndryshoj planet. Unë dukem më i lumtur. Ju keni kryesuar përpjekjet e qeverisë suaj këtu. Vjen me dhimbje koke, pasi jemi me energji të ripërtëritshme, por s’jemi të diversifikuar.

Varemi nga ai lart, humori i tij, nëse nuk do të qajë, është e vështirë. Tashmë po investojmë në energjinë diellore. Nesër do të inaugurojmë nisjen e ndërtimit të parë diellor, i pari në Rajon. Me të njëjtin kapacitet dhe për të dytin. Po punojmë që të bëjmë diçka dhe me erën me gazsjellësin atlantik, ne jemi bërë tërheqës. Na shohin me interes ndryshe. Jemi të lumtur që ka kompani që janë të interesuara”, theksoi kreu i qeverisë./ B.A. – CNA.al





Lajmet e fundit nga