web counter
LEXO PA REKLAMA!

SHKARKO APP

App Store
Google Play

E fundit!

x

“Situatë e papranueshme”/ Xhafaj: Ministria dhe KLGJ-ja janë në shkelje të ligjit

1 Korrik 2022, 11:02, Politikë CNA
“Situatë e papranueshme”/ Xhafaj: Ministria dhe KLGJ-ja
Ish-ministri i Brendshëm, Fatmir Xhafaj

Ish-ministri i Brendshëm, Fatmir Xhafaj, e ka cilësuar si të papranueshme situatën e krijuar për shkak të bojkotit të avokatëve, të cilët kundërshtojnë hartën e re gjyqësore.

Gjatë fjalës së tij në Komisionin e Ligjeve, Xhafaj tha se Ministria e Drejtësisë edhe Këshilli i Lartë Gjyqësor janë në shkelje.

 “Prej ditësh ka një grevë totale të avokatëve. Përtej asaj se çfarë mendon Ministria e Drejtësisë dhe Këshilli i Lartë Gjyqësor ne jemi këtu përfaqësues të qytetarëve. Jemi ne që duhet t'i bëjmë presion. Edhe ministria edhe KLGJ-ja janë në shkelje të rëndë të ligjit. U bënë dy javë që nuk ka gjyq. Njerëzit presin avokatët. Situatës që kemi ne në sistem i shtojmë edhe faktorë të kësaj natyre. Nuk kanë lidhje momentet që bëjnë institucionet me seancën dëgjimore. Ky debat që bëjmë ne këtu mund t'i bëjë avokatët që të tërhiqen, mund të bëjë që KLGJ-ja të tërhiqet. Unë do të dëshiroja që ta përshpejtojmë këtë proces. Ka të bëjë me projektin që është bërë publik. Pastaj se çfarë do të thonë ministria e financave etj, ne nuk e vendosim. Do të thotë që deri tani, në 3 vjet këta nuk paskan marrë mendimin e ministrisë së Financave. Në këtë këndvështrim, ne lamë një datë dhe thamë që do të jetë o të enjten o të premten. Është mirë që të njoftohemi”, tha Xhafaj./CNA.al





Lajmet e fundit nga