web counter
LEXO PA REKLAMA!

SHKARKO APP

App Store
Google Play

E fundit!

x

Kujt i vajti mendja për protestë në mes të vapës?/ Luçiano Boçi zbulon kërkesën e demokratëve

30 Qershor 2022, 21:44, Politikë CNA
Kujt i vajti mendja për protestë në mes të vapës?/
Luçiano Boçi

Nënkryetari i Partisë Demokratike, Luçiano Boçi, ishte i ftuar mbrëmjen e sotme në emisionin "Të paekspozuarit” me Ylli Rakipin ku ka folur për protestën e 7 korrikut.

Ai shpjegoi se përse do të mbahet kjo protestë, veçanërisht në një kohë kur temperaturat e vështirësojnë pjesëmarrjen. 

Boçi tha se protestën e kanë kërkuar qytetarët dhe opozita u është përgjigjur atyre. 

Luçiano Boçi: Është protestë e jashtëzakonshme, me kushte dhe rëndësi të jashtëzakonshme. Si rrallëherë, kemi organizuar protesta, por protesta vjen si një kërkesë ulëritëse qytetare.

Ylli Rakipi: Po thoni që qytetarët po ulërijnë që të ketë patjetër protestë?

Luçiano Boçi: Ulëritëse është kur njeriu del dhe proteston. Është e kërkuar nga shoqëria. Shoqëria civile me atë natyrë ekzistuese që ka, ka tentuar...
Pjesa më e madhe e shoqërisë tenton ose ka ikur nga Shqipëria duke mos e parë të ardhmen këtu.

Ylli Rakipi: A thua në datën 7 ky popull të rezistojë? Kujt i vajti mendja për këtë protestë në korrik?

Luçiano Boçi: Është vendimarrje kolegjiale e kryesisë së PD në raport me zhvillime politike që kanë ndodhur dhe temperaturat politike. Situata është e jashtëzakonshme.
Rëndësia e saj, ka të bëjë me konfigurimin e një opozite në aksion, pas kaq vitesh në letargji. Të presësh kohën kur shfaqet, duket si zbukurim para pasqyrës. Pengesa të tilla janë të karakterit teknik, por te një forcë politike prevalojnë elementë të tjerë. 
Shqetësimi shihet si numër daljesh në protestë dhe jo simbolika. I dimë edhe pengesat që ekzistojnë, por nuk mund të fokusohet çdo përgatitje, se dikush kërkon të vendosë një dron në fillim të protestës për të bërë propagandë dhe për ta futur në kurthin e numrave./E.T-CNA.al

 





Lajmet e fundit nga