E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Berisha paralajmëron Ramën/ 7 Korriku është vetëm fillimi, nuk mund të shpëtosh

1 Korrik 2022, 12:39, Politikë CNA

Berisha paralajmëron Ramën/ 7 Korriku është vetëm

Ish-kryeministri dhe lideri historik i demokratëve, Sali Berisha, i ka drejtuar një paralajmërim të fortë sot kryeministrit Edi Rama.

Gjatë një konference për mediat, Berisha duke u ndalur te protesta e 7 Korrikut, tha se kjo do të jetë vetëm fillimi.

“Edvin 7 korriku është vetëm fillimi. Ti e di mirë se fjala ime nuk është vetëm fjalë. Ka tejkaluar çdo lloj vije të kuqe. Ke mbajtur një qëndrim cinik ndaj shqiptarëve”, -tha Berisha.

Po ashtu Berisha drejtoi një thirrje për qytetarët, për fermerët, për biznesmenët, për profesionistët, mjekë, inxhinierë, avoketër, arkitektë, noterë, të bashkohen në këtë protestë, sipas tij për të shpëtuar Shqipërinë.

“Edi Rama ka caktuar konferencë shtypi në të njëjtën orë me ne, por sytë dhe mendja e qytetarëve janë te protesta mbarëpopullore.

Motivet e kësaj proteste janë të jashtëzakonshme. Kurrë ndonjëherë një orë, dy orë, tri orë të harxhuara në protestë nuk kanë pasur mision më të madh se protesta e datës 7 korrik.

Qytetarët janë të ftuar të protestojnë për ndryshimin e këtij vendi. Sot Shqipëria është vendi që rrit fëmijë për emigracion, pavarësisht potencialeve të saj të mahnitshme. Të rinjtë largohen nga ky vend njëlloj sikur të ishte në konflikt civil.

Kjo për shkak të politikave të spastrimit etnik që ndjek Edi Rama.

Në të gjithë takimet unë gjej një thirrje që buron nga thellësia e shpirtit të qytetarëve për t’u bashkuar në këtë protestë si sipari i një rruge që do të përmbysë pushtetin autokratik të Edi Ramës dhe do të vendosë demokracinë në Shqipëri.

Edi Rama ka vendosur sistemin monist të plotë, u kthye në modelin e etërve të tij. Përveç Lukashenkos, ai sot kontrollon të gjitha pushtetet. Çdo ditë që kalon në këtë gjendje është një ditë jo e mirë, jo e mbarë për të gjithë shqiptarët që besojnë te liria dhe vlerat e saj.

Ndaj edhe thirrja ime sot është e përsëritur për qytetarët, për fermerët, për biznesmenët, për profesionistët, mjekë, inxhinierë, avoketër, arkitektë, noterë, të bashkohemi në këtë protestë për të shpëtuar Shqipërinë.

Ka vetëm një rrugë të sigurt, kjo është protesta qytetare.

Unë kam besim të plotë se kjo rrugë do të sjellë fitoren e merituar të popullit opozitar që kërkon vetëm pushtetin me votën e tij, të lirë”, tha Berisha.

Më tej, ai theksoi se Edi Rama nuk mund t'u shpëtojë ligjeve të vendit dhe as atyre ndërkombëtare.

“Edi Rama është kapur në flagrancë me çështjen e inceneratorëve. Edi Rama është kapur në flagrancë, me çështjen e Butrintit. Edi Rama është kapur në flagrancë me shpalljen e familjarëve të ministrave të tij investitorë strategjikë. Edi Rama nuk mundet kurrë t’u shpëtojë ligjeve të vendit dhe as atyre ndërkombëtare”, -deklaroi Berisha./CNA.al