web counter
LEXO PA REKLAMA!

SHKARKO APP

App Store
Google Play

Nis ndërtimi i parkut fotovoltaik të Karavastasë/ Balluku: Frymëmarrje për sistemin energjetik

1 Korrik 2022, 11:07, Politikë CNA

Nis ndërtimi i parkut fotovoltaik të Karavastasë/ Balluku:

Ministrja e Infrastrukturës dhe Energjitikës, Belinda Balluku, ka bërë të ditur se ka nisur ndërtimi i parkut fotovoltaik të Karavastasë.

Gjatë fjalës së saj, Belinda Balluku theksoi se ky do të jetë parku më i madh në Ballkan, me 140 megavat për orë.

Balluku e cilësoi këtë si një frymëmarrje për sistemin energjitik.

“Është parku më i madh fotovoltaik në Ballkan me 140 megavat/orë. Kjo ditë merr rëndësi më të madhe. Energjia që ne prodhojmë mbulon vetëm 70% të nevojave që ka vendi për konsum. Parashikimet për rritjet për çmimin e energjisë së importuar janë hedhur poshtë pasi pritej që një megavat të ishte 250-260 euro, por ka arritur në 340 euro. 'Voltalia' është një nga kompanitë e prodhimit energjetik, që ka zgjedhur Shqipërinë për të investuar. Energjia e prodhuar prej këtij parku do të jetë 24.89 euro për megavat/orë. Në mesin e vitit 2023 kur parku do të jetë në funksionim ne do të marrim për 15 vite 70 megavat/orë me çmim 24.89 euro. Këtu po nis investimi prej 100 milionë eurosh për t'i dhënë një frymëmarrje sistemit energjetik.” -tha ministrja Balluku./CNA.al





Lajmet e fundit nga