‘Pallati i Brigadave me koncesion’/ Musai: Ministria dhe qeveria kanë shkatërruar trashëgiminë

30 Qershor 2022, 17:10, Aktualitet CNA

‘Pallati i Brigadave me koncesion’/ Musai: Ministria dhe qeveria

Doriana Musai

Arkitektja Doriana Musai ka folur për kompleksin e Pallatit të Brigadave i cili do jepet me koncension tek privati deri në 40 vjet.

Sipas Musait, vendimi i dhënë në mënyrë të fshehtë, pa asnjë diskutim me ekspertët dhe se ministria e Kulturës dhe qeveria ka pranuar në disa raste të përsëritura se është e paaftë të menaxhojë pasuritë publike të vendit.

Sipas arkitektes, Ministria e Kulturës do mbete në histori si ministria që ka shkatërruar trashëgiminë dhe se e vetmja punë që ka bërë është se ka goditur dhe çuar ruspat nëpër trashëgimi.

“Një vitin 2004, Pallati i Brigadave është shpallur Amsambël Historik dhe Zonë e Stimuluar për Turizmin. Asnjëherë nuk e kreu këtë funksion për turizëm që nga viti 2004 kur u shpall Zonë e Stimuluar për Turizmin. Janë tre institucione që e menaxhojnë dhe nën administrimin e Bashkisë Tiranë.

Këtu ka lindur edhe ideja për ndryshimin e menaxhimit, duke gjetur një formulë të re për mos të qënë në varësi të tre institucioneve të ndryshme.

Në Tiranë vitet e fundit ku ka zë nuk është pa gjë dhe sidomos kur ka zjarre apo prerje pemësh. Ne mund ta lexojmë edhe pa parë gjë.

Jemi para eksperimenteve që po bëjmë me trashëgiminë kulturore. Këtu ka pasur plane shumë herë më parë dhe kanë përdorur ligjin si instrument dhe sot po e nxjerrin jashtë loje ligjin. Përbashkuese është se ministria në deklaratat e saj është shprehur se duhet tja japim një kompanie private.

Në Pallatin e Brigadave bëhet fjalë për një kompani private jo më një fondacion. Në mungesë të partnerëve vendas, përfshirja e partnerëve të huaj është e mundshme. Grupi i ekspertizës I kanë përjashtuar fondacionet dhe kanë bërë një analizë të vetën, kanë përjashtuar formën direkte të menaxhimit.

Ministria në një anë thotë se do ja jap privatit në mënyrë që të mos ja ngarkojmë publikut nëpërmjet taksave pra buxhetit të shtetit menaxhimin e pasurisë kulturore. Kemi një rrudhje të buxhetit të ministrisë Kulturës vit pas viti dhe kemi delegim të kopentecave te kompanitë e huaja apo vendase që janë private. Pyetja ime është se çfarë pune bën Ministria e Kulturës? Këtu ministria është kthyer në një agjensi marketimi.

Ministria e Kulturës do mbete në histori si ministria që ka shkatërruar trashëgiminë. E vetmja punë është ajo që ka goditur dhe çuar ruspat nëpër trashëgimi.

Qeveria ka pranuar se është e paaftë të menaxhojë pasuritë publike kulturore dhe ja jep privatëve në forma të fshehta dhe pa transparencë."/E.T-CNA.al