web counter
LEXO PA REKLAMA!

SHKARKO APP

App Store
Google Play

E fundit!

x

“Jep dorëheqjen”/ Përplasje mes ministres dhe deputetes së PD-së, në Kuvend

30 Qershor 2022, 16:21, Aktualitet CNA
“Jep dorëheqjen”/ Përplasje mes ministres dhe deputetes
Foto ilustruese

Sot në Kuvend ka patur një debat mes ministres Evis Kushi dhe deputetes të PD-së Albana Vokshi. 

Deputetja Albana Vokshi në një komunikim për mediat tha se ka marrë pjesë në seancën gjyqësore për një padi të bërë ndaj ministres së Arsimit Evis Kushi, për tezat e provimit të maturantëve, të cilat u dolën para provimeve.

Kushi i është përgjijgur sot nga parlamenti duke thënë se nuk ka qenë e pranishme sepse ndodhej në një samit në Paris.

"Znj. Vokshi dje bëri një deklaratë para gjykatës, duke vazhduar të kryejë të njëjtën vepër penale, për të cilën e kam thirrur në atë gjykatë. Dje nuk munda t’i përgjigjem sepse isha e ftuar në Samitin e Arsimit në Paris, një event madhështor ku morën pjesë ministrat e 145 vendeve të botës," - tha Kushi.

Gjithashtu Kushi u shpreh se ka ngritur një padi ndaj Vokshit të cilën e ka akuzuar për shpifje.

 “Kam 1 muaj që e pres në gjykatë. Herën e parë nuk më erdhe,  edhe herën e dytë që isha aty prapë nuk më erdhe me pretendimin që nuk kishe marrë njoftim. Dje për shkak të angazhimit në samitin e Parisit u përfaqësova me avokat, ndërkohë që edhe në dy seancat e para nuk ishit e përfaqësuar nga dikush," - u shpreh ministrja.

Megjithatë, Kushi tha se nuk doli të bëjë shou politik e publik, por po pret vendimin.

"Kam bërë padinë, ju kam akuzuar për shpifje dhe po pres e qetë vendimin e gjykatës, sepse unë i besoj drejtësisë, ndërkohë që ju akuzat i hidhni në facebook. Çojini në gjykatë, dhe pastaj bëni shou me vendimin e gjykatës, por jo pa fakte," , tha Kushi./ A.E-CNA.al





Lajmet e fundit nga