web counter
LEXO PA REKLAMA!

SHKARKO APP

App Store
Google Play

E fundit!

x

AKU flet si Safet Gjici/ “Uji i turbullt, është i pastër”

29 Qershor 2022, 20:07, Aktualitet CNA
AKU flet si Safet Gjici/ “Uji i turbullt, është i
Foto ilustruese

Tri ditë më parë, dhjetëra qytetarë nga Kukësi kanë përfunduar në urgjencë me simptoma helmimi.

Dyshimet e para ishin se diarreja dhe të vjellat kanë ardhur si pasojë e helmimit nga uji, i cili rezultonte i turbullt.

Për situatën e banorëve të lagjes Mujë, foli edhe kreu i Bashkisë së Kukësit, Safet Gjici, i cili deklaroi nuk kanë problem me ujin e pijshëm, por është përzier me ujin vaditës.

“Për lagjen Muja të cilën flisni ju, nuk është e vërtetë që ka problem me ujin e pijshëm, aty ka një problem që është përzierë uji i pijshëm me ujin vaditës, duke ndërhyrë një nga banorët, që policia po heton atë rast. Po s’ka lidhje fare, uji është i pijshëm, vetëm se është përzierë me ujin vaditës. Na rezulton se uji i pijshëm është totalisht brenda normave dhe analizave. Drejtoria e Ujësjellësit është në krye të detyrës”, u shpreh Gjici, ndërsa kjo deklaratë u bë virale.

Ndërkohë, sot ka reaguar edhe Autoriteti Kombëtar i Ushqimit, i cili ashtu si kryetari i bashkisë së Kukësit, thotë se uji i turbullt ka rezultuar i pastër mikrobiologjikisht.

“Drejtoria Rajonale e Autoritetit Kombëtar të Ushqimit në Kukës është njoftuar se pas kryerjes së analizave laboratorike, ka rezultuar se produkti ujë rezulton i pastër mikrobiologjikisht, si dhe me parametrat e duhura fiziko-kimike”, njofton AKU ndër të tjera.

Sa për faktin nëse uji ishte apo jo i turbullt, këtë e konfirmoi vetë Safet Gjici./ B.A. – CNA.al





Lajmet e fundit nga