web counter
LEXO PA REKLAMA!

SHKARKO APP

App Store
Google Play

E fundit!

x

Puna e SPAK-ut/ Paralajmëron Spartak Ngjela: Do të kemi më shumë goditje të niveleve të larta

29 Qershor 2022, 19:13, Aktualitet CNA
Puna e SPAK-ut/ Paralajmëron Spartak Ngjela: Do të kemi më
Avokati Spartak Ngjela

Avokati Spartak Ngjela ka bërë një paralajmërim të fortë, teksa ka folur në lidhje me punën e SPAK-ut.

Në një prononcim për CNA.al, Ngjela e cilësoi SPAK-un si një institucion të pavarur, që u ka shpëtuar “kthetrave” të politikës.

Ai deklaroi se SPAK-u ka bërë goditje të niveleve të larta, ndërsa theksoi se nga tani e tutje do të ketë më shumë goditje të tilla.

“Deri tani jam i sigurt që është i pavarur, do thoni ju nga e nxjerr këtë? E nxjerr nga veprimtaria që ka filluar goditjen për korrupsionin edhe në nivele të larta, që ka filluar të godasë edhe krimin e organizuar dhe pastaj nga informacioni që kam, se unë shkoj në Gjykatën e Posaçme dhe Prokurorinë e Posaçme se kam gjyqe atje, shkoj në SPAK dhe di që nuk drejtohet nga ne SPAK-u, por drejtohet nga ekspertiza amerikane dhe ndërkombëtare.

Kështu që, jam i sigurt që do të vazhdojë drejt Reformës në Drejtësi siç ka ecur sepse deri tani janë eleminuar nga gjyqësori rreth 60% e atyre që kanë kaluar në vetting. Procesi gjyqësor shqiptar ishte një katastrofë, i gjithi i korruptuar, në bashkëpunim me politikën e lartë të korrupsionit politik dhe po shohim që ka ecje, por kam mendimin që këtej e më tutje do të ketë edhe më shumë goditje të niveleve të larta”, nënvizoi avokati/ B.A. - CNA.al





Lajmet e fundit nga