web counter
LEXO PA REKLAMA!

SHKARKO APP

E fundit!

x

Bordi i Transparencës merr vendimin/ Me sa do shitet nafta dhe benzina nga sot

29 Qershor 2022, 12:01, Aktualitet CNA
Bordi i Transparencës merr vendimin/ Me sa do shitet nafta dhe benzina nga
Foto ilustruese

Bordi i Transparencës e ka vënë sërish sot “dorën ne zemër” duke i hequr edhe një 6 lekësh çmimit të një litri naftë. Kështu, duke nisur nga sot, një litër naftë do të shitet me 249 lekë, kurse një litër benzinë me 242 lekë.

Ashtu si dje, Bordi ka vendosur që 6 lekëshin e zbritur nga nafta, t’ia ngarkojë benzinës. Kjo e fundit do të shitet nga sot 6 lekë më shtrenjtë se dje kur ishte 236 lekë/ litri.

Ndërkohë, çmimi i gazit mbetet i njejtë.

Njoftimi i plotë:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 249 lekë/litri, ndërsa i shitjes me shumicë jo më shumë se 237 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 242 lekë/litri,ndërsa i shitjes me shumicë jo më shumë se 230 lekë/litër.

Çmimi i shitjes me pakicë i nënproduktit gaz, të jetë 83 lekë/litri me pakicë dhe i shitjes me shumicë 71 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 29 Qershor ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë./CNA.al





Lajmet e fundit nga