web counter
LEXO PA REKLAMA!

SHKARKO APP

App Store
Google Play

E fundit!

x

“Rama po bën sjellje antikombëtare”/ Sharka: Largimi i fermerëve, pasoja të rënda për vendin

29 Qershor 2022, 17:08, Aktualitet CNA
“Rama po bën sjellje antikombëtare”/ Sharka: Largimi i
Eduard Sharka

Përfaqësuesi i sindikatës së fermerëve, Eduard Sharka, ka komentuar deklaratat e kryeministrit Rama ndaj tyre dhe politikat antikombëtare të ndërmara prej qeverisë së tij.

Sharka ka theksuar se në kulmin e krizës botërore, t'i kundërvihesh argumenteve me zërat e lumtur të një fermeri që i merr dhe i nxjerr në media kryeministri dhe të thuash që e vërteta është kjo që thonë këta, është një abuzim me detyrën dhe një diskriminim që i bën fermerëve shqiptarë dhe është një gjë që vetëm në Shqipëri mund të ndodhë sepse në çdo vend demokratik qeveria duhet t'i kthente përgjigje argumenteve të pakundërshtueshme.

“E vërteta është ajo që thuhet direkt nga ara dhe ajo që thuhet nga një dialog me kryeministrin. T'u kundërvihesh argumenteve tona me zërat e lumtur të një fermeri që i merr dhe i nxjerr në media dhe të thuash që e vërteta është kjo që thonë këta, është një abuzim me detyrën dhe një diskriminim që u bën fermerëve shqiptarë dhe është një gjë që vetëm në Shqipëri mund të ndodhë sepse në çdo vend demokratik qeveria duhet t'u kthente përgjigje argumenteve të pakundërshtueshëm.

Largimi i femerëve nga Shqipëria për çdo ditë është pasoja më e rëndë dhe e pakthyeshme e shoqërisë shqiptare.

Të mos marrësh masa për ta frenuar këtë fenomen e shikoj se është keqdashje dhe sjellje antikombëtare. Gjatë vitit 2022 të gjitha qeveritë në botën perëndimore, qeveria e Kosovës, Maqedonisë,  BE dhe ShBA kanë ndryshuar politikat e tyre duke rritur mbështetjen.

Mos të marësh masa për të ndaluar këtë pasojë të krizës është keqdashëse dhe sjellje antikombëtare.”/E.T-CNA.al

 





Lajmet e fundit nga