web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore sjell kaos në gjykata/ Maks Haxhia ironizon “Ligjet”: Më vjen për të qeshur

29 Qershor 2022, 12:46, Aktualitet CNA

Harta e re gjyqësore sjell kaos në gjykata/ Maks Haxhia ironizon

Harta e re gjyqësore ka shkaktuar kaos në disa gjykata të vendit pasi avokatët kanë bojkotuar seancat gjyqësore.

Për këtë arsye, Komisioni i Ligjeve kërkoi takim me Komitetin Drejtues të Dhomës Kombëtare të Avokatisë, por nuk u mbajt asnjëherë sepse e anuloi vetë, sepse KLP kishte kohë të shkurtër për tu njohur me materialin.

Ndërkohë, ka ardhur një reagim nga kreu i Dhomës Kombëtare të Avokatisë, Maks Haxhia.

Në një deklaratë për mediat, Haxhia ka ironizuar Komisionin e Ligjeve, ndërsa tha se i vjen për të qeshur pasi e kishte menduar që mbledhja do të anulohej që kur u shty herën e parë.

"Jemi të bindur që njerëzit bashkohen sepse është rasti i rrallë kur interesat e komunitetit përputhen me interesat e opinionit në mbarë vendin… Unë e thirrja mbledhjen e sotme, për të shqyrtuar problemin. U avancua deri në bojkotin edhe të masave të sigurimit. Unë kam marrë një turn në të gjitha Dhomat, në Vlorë, në Durrës, Shkodër. Kemi diskutuar për situatën e vendimmarrjen…”-tha avokati Haxhia.

Avokati Haxhia solli në vëmendje se supozohej që Dhoma Kombëtare e Avokatisë të paraqiste qëndrimet e saj në Komisionin e Ligjeve, por mbledhja nuk u bë asnjëherë.

“Më vjen për të qeshur se i thashë komitetit që të jeni të sigurt që nuk ka për t’u bërë mbledhja e të hënës. dhe nuk u bë. Mund edhe të mos bëhet fare.”-theksoi avokati.

Kujtojmë se harta e re gjyqësore, ka marrë dakordësinë edhe nga Prokurori i Përgjithshëm, Olsian Çela.

Në letrën që i ka dërguar Ministrisë së Drejtësisë, Çela thotë se vlerësojnë frymën e këtij bashkërendimi dhe koordinimi ndërinstitucional në përballje me nevojat për të lehtësuar rritjen e ngarkesës dhe mbështetur veprimtarinë e prokurorëve me numër të reduktuar./CNA.al





Lajmet e fundit nga