E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

Gazetari “kryqëzon” Qeverinë/ Tregon prapaskenat e Bordit, si po spekulohet me çmimet

29 Qershor 2022, 13:14, Aktualitet CNA

Gazetari “kryqëzon” Qeverinë/ Tregon prapaskenat e Bordit,

Gazetari Klodian Tomorri i ka dhënë një “shuplakë” të fortë sot Qeverisë, në lidhje me vendosjen e çmimeve të karburantit.

Në një postim në rrjetet sociale, Tomorri shkruan se vendosja e çmimit të karburantit, nëpërmjet bordeve, siç bën Qeveria shqiptare, në çdo rast bën lëmsh tregun.

Sipas gazetarit Tomorri, normalisht ky Bordi nuk duhet të ekzistonte fare se është mekanizëm i shëmtuar dhe ligjërisht pis.

Më tej, ai shton se kur e mbledh bordin, një herë në javë. Ose po fikson çmime më të larta mbi koston, kur çmimi në bursë ulet, dhe këtu po ngarkon qytetarët me spekullim. Ose po detyron bizneset të shesin më pak se kosto, kur çmimi në bursë rritet, duke i çuar në faliment.

“Llogjika e Qeverisë

Milton Friedman thoshte se nëse vendos Qeverinë të administrojë rërën e Saharasë, brenda pak kohësh në shkretëtirë nuk do të ketë më rërë. Parimisht kështu i bën punët Qeveria.

Tani shikoni çfarë bëjnë. Nëse çmimi i një malli është shumë volatil dhe ndryshon me minuta, si ndalohet spekullimi duke e caktuar çmimin një herë në javë? A ka shkencëtar që i jep zgjidhje kësaj? Sigurisht përvec shkencëtarëve të Qeverisë, që i bëjnë këto punë.

Po marr vetem një rast. Dje, nafta ne Platts, e hapi ditën e tregtimit me 1300 dollarë për tonë. Gjatë ditës zbriti edhe nën 1190 dollarë, ndërsa nga mbrëmja u mbyll me 1200 e ca.

Këta fiksojnë një çmim një herë në javë dhe thonë po ndalojmë spekullimin. Si?

Normalisht ky bordi nuk duhet të ekzistonte fare se është mekanizëm i shëmtuar dhe ligjërisht pis. Por nejse, meqë Qeveria e ka vendosur se duhet, normalisht bordi duhet të mblidhet çdo ditë për të reflektuar ndryshimin e çmimit. Dhe duhet të mblidhet në mëngjes, jo pasdite si e mbledhin këta për të reflektuar çmimin e një dite më parë. Çdo gjë mbrapsht.

Se dy gjëra ndodhin kur e mbledh një herë në javë. Ose po fikson çmime më të larta mbi koston, kur çmimi në bursë ulet, dhe këtu po ngarkon qytetarët me spekullim. Ose po detyron bizneset të shesin më pak se kosto, kur çmimi në bursë rritet, duke i çuar në faliment. Në çdo rast tregun e bën lëmsh.

Tani ose mblidheni çdo ditë në mëngjes dhe reflektoni çmimin, me të cilin mbyllet bursa një ditë më parë, ose hiqeni fare si mekanizëm. Po kjo skema kështu, luftojmë spekullimin me caktim çmimesh një herë në javë është si skema e Fantozzit.”-shkruan Klodian Tomorri./CNA.al