web counter
LEXO PA REKLAMA!

SHKARKO APP

App Store
Google Play

“SPAK u krijua që Rama dhe bandat të kapin drejtësinë”/ Lubonja: Gjyqtarët të përfshirë në politikë, duhen hetuar

29 Qershor 2022, 15:03, Aktualitet CNA
“SPAK u krijua që Rama dhe bandat të kapin
Fatos Lubonja

“SPAK dhe reforma në drejtësi në tërësi janë bërë me synim që Rama dhe banda e tij të kapë edhe drejtësinë e cila kishte 1 mijë probleme”.

Kështu është shprehur analisti Fatos Lubonja, i cili në një intervistë për emisionin “pikat mbi i” shtoi se gjyqtarët dhe prokurorët janë të përfshirë me politikën dhe ndaj tyre SPAK duhet t’i hetojë.

 “Zheji ka qenë gjithmonë më optimist, shikonte gjysmën plot. Unë nuk jam fare i befasuar sepse kam qenë dhe mbetem i tezës se SPAK dhe reforma në drejtësi në tërësi janë bërë me synim që Rama dhe banda e tij të kapë edhe drejtësinë e cila kishte 1 mijë probleme, por ishte më e shpërndarë sa i përket lidhjeve me pushtetet, me Berishën, Metën, Ramën. Nuk çuditem fare. Dje dëgjova një ngjarje shumë të rëndë që është arrestimi i dy shefave të policisë në Elbasan, ka të bëjë me politikën, me krimin. Ata u arrestuan se kanë shkuar si polici atje kur ata të PD-së kishin bllokuar makinën me dokumente që provonte blerjen e votës, pra kanë shkuar si policë që të marrin këta të PD-së dhe PS-së, kanë ardhur të tjerët, ka ardhur banda e PS-së dhe ia ka vënë koburen në kokë shefave të policisë që të mos bënin veprimin që duhet të bënin. Aty na doli edhe një prokuror që tha që ska pasur dokumente.

Me këtë ngjarje duhet të anuloheshin zgjedhjet. SPAK nuk vendos për zgjedhjet, por atë prokurorin e famshëm e ka marrë në SPAK. Tani u arrestuan se sado sado procesi vetë ka zbuluar që ka ndodhur kjo ngjarje. Nuk mund ti mbyllin sytë të gjithë gjyqtarët. Aty është e përfshirë gjithë politika. Çfarë të pres unë nga SPAK. Doli projekti i Butrintit, kush nuk po e konteston, ky Agolli është protagonisti”, tha Lubonja./CNA.al





Lajmet e fundit nga