web counter
LEXO PA REKLAMA!

SHKARKO APP

App Store
Google Play

E fundit!

x

Samiti i NATO-s/ Kërkesa e Ramës: Kosova të ftohet në mekanizmin e Partneritetit për Paqe

29 Qershor 2022, 19:00, Aktualitet CNA
Samiti i NATO-s/ Kërkesa e Ramës: Kosova të ftohet në
Kryeministri Edi Rama

Kryeministri Edi Rama ka zbuluar se ka kërkuar në samitin e NATO-s që po mbahet në Madrid, që Kosova të ftohet në mekanizmin e Partneritetit për Paqe.

Rama ka vënë në dukje qëndrimin e Kosovës ndaj Ukrainës, edhe pse kjo e fundit nuk e ka njohur ende Kosovën.

“SOT në NATO: Kërkova që Kosova të ftohet menjëherë në mekanizmin e Partneritetit për Paqe. Vendet që nuk e njohin ende Kosovën duhet të vlerësojnë qëndrimin e saj krejt të njehsuar me BE-në ndaj agresionit rus mbi Ukrainën, pavarësisht se Ukraina nuk e ka njohur ende Kosovën.

Shpjegova dallimet e pozicioneve në Ballkan në raport me Rusinë e me sanksionet ndaj saj, arsyet e këtyre dallimeve dhe domosdoshmërinë e ruajtjes së stabilitetit e të nxitjes së bashkëpunimit rajonal, duke rritur ndërveprimin konstruktiv me Serbinë të BE-së dhe vendeve të NATO-s”, shkruan Rama.

Ndër të tjera, Rama thekson se ka vlerësuar marrëveshjen e arritur mes Suedisë, Finlandës dhe Turqisë.

“Vlerësova marrëveshjen e arritur mes Suedisë, Finlandës dhe Turqisë, duke çmuar qasjen e drejtpërdrejtë të Presidentit Erdogan në funksion të një shqetësimi shumë serioz të shtetit turk dhe nënvizuar se kjo marrëveshje është një shembull për zgjidhjet e problemeve mes aleatësh”, vijon më tej kryeministri.

Gjithashtu bën me dije se, Presidenti Joe Biden, ka thënë fjalë të mira për Shqipërinë dhe rolin e saj në Këshillin e Sigurimit e në NATO.

“Dëgjova nga Presindenti Joe Biden, fjalët më të mira për Shqipërinë dhe rolin e saj në Këshillin e Sigurimit e në NATO, si edhe shprehjen e dëshirës së tij për të organizuar diçka bashkarisht me rastin e 100 vjetorit të vendosjes së marrëdhënieve diplomatike të Shqipëri-SHBA????????????????”, përfundon Rama postimin e tij./ A.E-CNA.al





Lajmet e fundit nga