web counter
LEXO PA REKLAMA!

SHKARKO APP

App Store
Google Play

E fundit!

x

Bilanc "lufte", vrasje, aksidente e plagosje/Kaq të pavlerë e kemi jetën!?

29 Qershor 2022, 19:00, Aktualitet CNA
Bilanc "lufte", vrasje, aksidente e plagosje/Kaq të pavlerë
Foto ilustruese

Ç’po ndodh me ne, kaq të pavlerë e kemi jetën sa nuk e llogarisim fare. Brenda 2 orësh vetëm sot pesë lajme të rënda janë shënuar nga kronika e zezë, ende nuk është mbyllur dita dhe nuk duam të  ndalemi në ditët e mëparshme, sepse situata bëhet edhe më e rëndë.

Në çdo moment, ke frikë të hedhësh sytë nga njoftimet e policisë, sepse sjell vetëm të vrarë, të vdekur dhe të aksidentuar.

Në mesditë një person qëllohet me armë, pak më vonë makina del nga rruga në Tamarë dhe aksidentohen tre turistë, brenda edhe 2 fëmijë të mitur, një tjetër aksident me plagosjen e një të mituri këtë radhë nga një polic, i cili largohet nga vendngjarja në Korçë, pa kaluar ky lajm vjen një tjetër, një person gjendet i mbytur në lumin e Fierit, pa u mbyllur ky lajm vjen njoftimi tjetër, aksident i trefishtë në Thumanë, dy persona dërgohen me urgjencë në spital, dhe kjo shifër pritet të ndryshohet.

Ende nuk është mbyllur dita, pasi tashmë na është bërë si rutinë, andej nga orët e mbrëmjes kërcet kallashi e pistoleta, duke u vrarë e plagosur, lajnë hesapet e ditës apo të ditëve të ndodhura më parë.

Nuk po ndalemi këtu te njoftimi i Policisë Rrugore, i cili çdo ditë sjell me dhjetëra raste ku janë marrë masa dhe gjobitur shoferë të automjeteve, të cilët ecin tej normave të lejuara të shpejtësisë.

Kur e lexon kronikën e zezë, kupton se te ne jeta kushton shumë shumë pak, dhe nuk ka vlerë fare. Bilancet e 24 orëve janë të frikshme, viktima e të aksidentuar, të mbytur e të vrarë, sikur jemi në luftë./CNA.al





Lajmet e fundit nga