web counter
LEXO PA REKLAMA!

SHKARKO APP

App Store
Google Play

Helmimi i dhjetëra qytetarëve në Kukës/ Reagon AKU: Uji është i pastër

29 Qershor 2022, 19:41, Aktualitet CNA
Helmimi i dhjetëra qytetarëve në Kukës/ Reagon AKU: Uji
Autoriteti Kombëtar i Ushqimit

Autoriteti Kombëtar i Ushqimit ka reaguar për helmimin e dhjetëra qytetarëve nga Kukësi, që dyshohet se ka ardhur nga uji.

AKU deklaron se janë kryer analizat laboratorike dhe ka rezultuar se uji rezulton i pastër mikrobiologjikisht, me parametrat e duhura fiziko-kimike.

AKU thotë se në koordinim me Institutin e Shëndetit Publik (ISHP), ka marrë të gjitha masat e nevojshme për menaxhimin e situatës dhe po vijon monitorimin e situatës.

“Duke marrë shkas nga situata e krijuar në qytetin e Kukësit, ku një numër i lartë konsumatorësh morën kujdes shëndetësor pas dyshimeve për helmim nga konsumimi i ujit të rrjetit, Autoriteti Kombëtar i Ushqimit në koordinim me Institutin e Shëndetit Publik (ISHP) ka marrë të gjitha masat e nevojshme për menaxhimin e situatës.

Drejtoria Rajonale e Autoritetit Kombëtar të Ushqimit Kukës po vijon monitorimin e situatës nëpërmjet sensibilizimit dhe kontrolleve rigoroze në të gjitha njësitë e operatorëve të biznesit ushqimor me qëllim garantimin e sigurisë ushqimore dhe mbrojtjen e shëndetit të konsumatorëve.

Drejtoria Rajonale e Autoritetit Kombëtar të Ushqimit në Kukës është njoftuar se pas kryerjes së analizave laboratorike, ka rezultuar se produkti ujë rezulton i pastër mikrobiologjikisht, si dhe me parametrat e duhura fiziko-kimike”, thuhet në deklaratë./ B.A. – CNA.al





Lajmet e fundit nga