LEXO PA REKLAMA!

SHKARKO APP

Helmimi në Kukës/ Mjeku: 80% e pacientëve janë paraqitur me intoksikacion

27 Qershor 2022, 11:08, Aktualitet CNA
Helmimi në Kukës/ Mjeku: 80% e pacientëve janë paraqitur me
Spitali Kukës

Mbi 100 banorë në rrethin e Kukësit janë paraqitur në urgjencën e qytetit ditën e djeshme me diarre dhe shenja të tjera helmimi, teksa pasi kanë marrë shërbim mjekësor, janë larguar përsëri për në banesë.

Dyshimet e para erdhën se helmimi mund të ketë ndodhur për shkak të ujit të pijshëm. Lidhur me situatën që ka shkaktuar jo pak panik  te qytetarët, ka reaguar edhe, Albert Shehu, mjek urgjence në Spitalin e Kukësit.

Shehu tregoi se vetëm gjatë ditës së djeshme në Spitalin e Kukësit janë paraqitur 125 pacientë.

Dje janë kryer diku te 125 vizita gjatë gjithë ditës nga ora 8.00 deri në 20.00, diku te 80 për qind janë paraqitur me intoksikacion, çfarë përfshin diarrenë dhe të vjellat dhe një pjesë e tyre kanë pasur dhe temperaturë”, u shpreh Shehu.

Në një njoftim në rrjetet sociale, Ndërmarrja e Ujësjellës Kanalizime  në Kukës njoftoi se mostrat e marra nga uji paraprakisht duken pa ngjyrë dhe erë.

Megjithatë, për sigurinë e banorëve, është ndërprerë furnizimi me ujë deri në përgjigjen e analizave të tij nga ISHP-ja./CNA.al

Lajmet e fundit nga